Jon prypyniŭ rašeńnie schodu Minskaj haradskoj kalehii advakataŭ.
Ministerstva justycyi prypyniła dziejańnie rašeńniaŭ ahulnaha schodu členaŭ Minskaj haradskoj kalehii advakataŭ, jakoje prajšło 22 kastryčnika.
Jak paviedamlaje aficyjny sajt viedamstva, atrymanyja Ministerstvam justycyi «zvaroty ŭkazvajuć, što pry praviadzieńni ahulnaha schodu členaŭ Minskaj haradskoj kalehii advakataŭ dapuščany šerah parušeńniaŭ asnoŭnych patrabavańniaŭ rehłamientu ahulnaha schodu, jakija praduhledžvajuć paradak jaho praviadzieńnia i abrańnia staršyni kalehii advakataŭ».
«Uličvajučy vykładzienaje, na padstavie artykuła 31 zakona Respubliki Biełaruś „Ab advakatury“ pastanovaj kalehii Ministerstva justycyi prypyniena dziejańnie rašeńniaŭ ahulnaha schodu členaŭ Minskaj haradskoj kalehii advakataŭ, pryniatych 22 kastryčnika 2011 hoda. Zaraz pravodzicca pravierka», — zajaŭlajuć u Miniuście.
Raniej udzielnica ahulnaha schodu Darja Lipkina paviedamiła, što na im pieršym pytańniem abmiarkoŭvałasia zajava byłoha staršyni Minskaj haradskoj kalehii advakataŭ Alaksandra Pylčanki ab spynieńni paŭnamoctvaŭ na hetaj pasadzie. «Zajava była zadavolena, i paŭnamoctvy spynieny», — zaznačyła jana. Druhim pytańniem abmiarkoŭvałasia dakładnaja zapiska Miniusta ab daterminovym vyzvaleńni Pylčanki z pasady staršyni, jakaja była pryniata da viedama. Pavodle słoŭ Lipkinaj, paśla hetaha prajšli vybary novaha staršyni. Im byŭ abrany Andrej Sankovič.
Varta zaznačyć, što Sankovič abaraniaŭ u sudzie fihuranta kryminalnaj spravy ab masavych biesparadkach 19 śniežnia 2010 hoda ŭ Minsku Dźmitryja Novika.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary