Mahiloŭski abłvykankam patrabuje ad arhanizatara Narodnaha schodu śpisy inicyjataraŭ akcyi
Arhanizatar Narodnaha schodu ŭ Mahilovie Uładzimir Šancaŭ byŭ zaprošany ŭ Mahiloŭski abłvykankam, dzie ad jaho zapatrabavali pradstavić podpisy hramadzian — inicyjataraŭ schodu. Apazicyjanier admoviŭsia heta rabić.
Jaho zaprasili ŭ abłvykankam dla razhladu pa skarzie na papiaredžańnie, vyniesienaje napiaredadni Narodnaha schodu. Nahadajem, u pačatku kastryčnika Šancaŭ byŭ papiaredžany harvykankamam i prakuraturaj Leninskaha rajona Mahilova ab niedapuščalnaści parušeńnia zakona ab masavych mierapryjemstvach. Šancaŭ abskardziŭ abodva papiaredžańnia ŭ vyšejšych instancyjach.
U hutarcy z namieśnikam načalnika Hałoŭnaha ŭpraŭleńnia justycyi Mahiloŭskaha abłvykankama Kanstancinam Krupieńkinym
ad Šancava zapatrabavali padać sabranyja podpisy bolš za 10% adsotkaŭ žycharoŭ niekalkich damoŭ pa vulicy Ramanava, jakija tym samym inicyjavali praviadzieńnie schodu.
«Skazali, što bieź śpisaŭ nie možam zrabić vysnovu ab tym, byŭ heta miascovy schod abo masavaje mierapryjemstva. Ja im pradstaviŭ pratakoł pasiadžeńnia arhkamiteta, ź jakoha vynikała, što mianie abrali staršynioj arhkamiteta, što sabrali podpisaŭ bolš, čym treba, i možna schod pravodzić. Jon skazaŭ, što śpisy patrebnyja «, — skazaŭ Šancaŭ.
Arhanizatar Narodnaha schodu zajaviŭ, što
ŭ zakonie ab respublikanskich i miascovych schodach ničoha nie havorycca ab nieabchodnaści pradastaŭleńnia śpisaŭi paabiacaŭ, što pakaža ich tolki ŭ sudzie. «Jon u mianie spytaŭ, a čamu vy nie chočacie mnie ich pakazvać? Ja adkazaŭ, što ŭ mianie jość sumnievy, što ludziam, jakija padpisalisia, vy nie pačniecie ruki vykručvać».kamu-niebudź
Pavodle jaho słoŭ, Krupieńkin adznačyŭ, što
ŭ zakonie majecca prałom, jaki chutka začyniać. Što tyčycca skarhi Šancava na harvykankam, to jana, na jaho dumku, nie budzie zadavolena abłvykankamam i schod budzie rascenieny jak masavaje mierapryjemstva.
Nahadajem, 31 kastryčnika ŭ Leninskim RAUS Mahilova byŭ pierapisany pratakoł ab administracyjnym pravaparušeńni, składzieny na Šancava. Kali raniej arhanizatar abvinavačvaŭsia ŭ tym, što nie naładziŭ ŭlik i afarmleńnie śpisu udzielnikaŭ miascovaha schodu, to ciapier jamu inkryminujecca parušeńnie arhanizacyi i praviadzieńnia masavaha mierapryjemstva.
Narodny schod u Mahilovie 8 kastryčnika prajšoŭ biez zatrymańniaŭ i incydentaŭ,
Kamientary