Luboŭ Kavalova: Pakul chłopcy siadziać, arhanizatary terakta chodziać na svabodzie
Maci adnaho z abvinavačanych skłała ŭłasnuju pietycyju ŭ abaronu abvinavačanych u teraryźmie.
Luboŭ Kavalova, maci Uładzisłava Kavalova, adnaho ź fihurantaŭ spravy ab vybuchu ŭ mietro 11 krasavika, skłała ŭłasnuju pietycyju suprać śmiarotnaha pakarańnia.
«Usie abvinavačvańni hruntujucca na pryznalnych pakazańniach, dadzienych na papiarednim śledstvie pad ciskam, ad jakich Uładzisłaŭ Kavaloŭ admoviŭsia na sudzie. Bolš nijakich važkich dokazaŭ abvinavačańnie nie pradstaviła — usio pabudavana na domysłach i dovadach», — havorycca ŭ pietycyi.
Luboŭ Kavalova ŭpeŭnienaja, što jaje syn nievinavaty. Pry hetym jana pryvodzić jahonaje śćvierdžańnie pra toje, što Dźmitry Kanavałaŭ taksama nie maje dačynieńnia da teraktu. Žančyna kaža pra nieabchodnaść znajści sapraŭdnych arhanizataraŭ złačynstva.
«Ja źviartajusia z hetaj pietycyjaj da vas z adnoj tolki prośbaj: ja prašu vas dapamahčy nie zabić majho syna, Uładzisłava Kavalova, i jaho znajomaha, Dźmitryja Kanavałava, a zamiest hetaha zapatrabavać znajści tych, chto sapraŭdy pavinien nieści adkaznaść za ździejśnienyja złačynstvy. Na dadzieny momant Biełaruś — adzinaja kraina ŭ Jeŭropie, u jakoj isnuje śmiarotnaje pakarańnie. I pakul chłapčuki siadziać za kratami, tyja, chto arhanizavaŭ terakt chodziać na svabodzie».
Luboŭ Kavalova płanuje sabrać pad svaim zvarotam 5000 podpisaŭ. Pa stanie na 13 hadzin 23 listapada sabrana kala 2000 podpisaŭ.
Tym časam, pad pietycyjaj, skiravanaj na adras AAN, pravaabarončaj arhanizacyi Human Rights Watch, na hety čas padpisalisia kala 33500 čałaviek z usiaho śvietu.
Nahadajem, prysud pa spravie teraktu ŭ mietro budzie vyniesieny 30 listapada 2011. Prakuror zapatrabavaŭ dla abvinavačanych vyšejšaj miery pakarańnia.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary