Apieratyŭnikami adździaleńnia pa narkakantroli i supraćdziejańni handlu ludźmi Maskoŭskaha RUUS Minska pry sprobie zbytu bujnoj partyi nasieńnia maku zatrymany raniej sudzimy27-hadovy minčanin.
Jak paviedamili ŭ HUUS, apieratyŭnyja mierapryjemstvy milicyjaniery pravodzili sumiesna z supracoŭnikami padatkovaj inśpiekcyi pa Maskoŭskim rajonie. Zatrymańnie adbyłosia na praśpiekcie Haziety «Źviazda» ŭ toj momant, kali handlar va ŭłasnym aŭtamabili zbyvaŭ partyju makavaha nasieńnia asobie, jakaja ŭžyvaje narkatyčnyja srodki.
Padčas nadhladnych mierapryjemstvaŭ u zatrymanaha byli znojdzieny 70 kh nasieńnia maku, rasfasavanaha ŭ polietylenavyja pakiety vahoj 0,5 i 1 kh, a taksama hrašovaja vyručka — bolš za 2,2 młn. rubloŭ i 77 dołaraŭ ZŠA. Kiłahram nasieńnia ŭ padazronaha kaštavaŭ 220 tys. rubloŭ.
U dačynieńni da zatrymanaha rajonnaj padatkovaj inśpiekcyjaj składzieny pratakoł na padstavie č. 1 art. 12.7 KoAP (niezakonnaja pradprymalnickaja dziejnaść), zhodna ź jakoj jamu pahražaje štraf da 50 bazavych vieličyniaŭ i kanfiskacyja hrašovych srodkaŭ, vyjaŭlenych pry zatrymańni. Aprača taho, u dačynieńni da pravaparušalnika składzieny administracyjny pratakoł ab niezakonnym pryniaćci zamiežnaj valuty ŭ jakaści płaciežnaha srodku, što ciahnie štraf u 150 bazavych vieličyniaŭ. Jaho aŭtamabil marki «Ford», chutčej za ŭsio, budzie kanfiskavany ŭ dachod dziaržavy.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj1
Kamientary