Hałoŭnaje ŭpraŭleńnie justycyi Minharvykankama praviadzie 1–2 śniežnia dabračynnuju akcyju «Siła prava».
Akcyja prymierkavana da Dnia jurysta, jaki adznačajecca ŭ Biełarusi ŭ pieršuju niadzielu śniežnia. U čas akcyi žychary stalicy zmohuć atrymać biaspłatnyja jurydyčnyja kansultacyi. Biazvypłatnuju pravavuju dapamohu akažuć rabotniki ŭstanoŭ justycyi, advakaty Minska.
Tak, 1 śniežnia ŭ dziaržaŭnych nataryjalnych kantorach hramadzian biaspłatna prakansultujuć pa pytańniach nataryjalnaj dziejnaści: adčužeńnia nieruchomaj majomaści, afarmleńnia spadčynnych pravoŭ, zaśviedčvańnia zaviaščańniaŭ, šlubnych dahavoraŭ, davieranaściej i hetak dalej. Infarmacyju nakont rehistracyi šlubu i naradžeńnia dziaciej pradastaviać u minskich ZAHSach, Domie šlubaŭ. Taksama ŭ hety dzień haradžanie mohuć źviarnucca ŭ hałoŭnaje ŭpraŭleńnie justycyi Minharvykankama pa pytańniach absłuhoŭvańnia i arhanizacyi raboty rajonnych sudoŭ, dziaržaŭnych nataryjalnych kantor i pryvatnych nataryusaŭ, orhanaŭ ZAHS, jurydyčnych kansultacyj, rehistracyi i likvidacyi hramadskich abjadnańniaŭ, ich statutnaj dziejnaści. Akramia taho, śpiecyjalisty rastłumačać zakanadaŭstva ŭ halinie ryełtarskaj dziejnaści, licenzijnych patrabavańniaŭ i ŭmoŭ, jakija pavinny vykonvacca asobami, što majuć śpiecyjalnyja dazvoły (licenzii) na ažyćciaŭleńnie dziejnaści pa akazańniu jurydyčnych pasłuh.
U jurydyčnych kansultacyjach stalicy 2 śniežnia advakaty prakansultujuć małamajomnych hramadzian (šmatdzietnych i adzinokich maci, piensijanieraŭ i ludziej, jakija majuć prava na lhoty) pa normach dziejučaha zakanadaŭstva ŭ halinie pracoŭnaha, hramadzianskaha, siamiejnaha, žyllovaha prava.
Papiaredniaha zapisu na pryjom nie budzie, jon budzie vieścisia ŭ paradku čarhi u dzień zvarotu.
U inšyja dni miesiaca jurydyčnyja słužby horada buduć pracavać u zvyčajnym režymie i spahaniać płatu za akazanyja pasłuhi ŭ adpaviednaści z zakanadaŭstvam.
Akcyja pravodzicca ŭ stalicy štohod. Kansultacyi śpiecyjalistaŭ atrymlivajuć kala 1,5 tys. čałaviek.-
-
«Univiersitet praciahvaje svaju dziejnaść». EHU prakamientavaŭ abviaščeńnie siabie ŭładami Biełarusi «ekstremisckaj arhanizacyjaj»
-
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada
-
U hetym hodzie da Dnia Pieramohi ŭ Hrodnie buduć farsiravać Nioman
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada16
Kamientary