Staršynia Rady BNR Ivonka Surviła prakamientavała śmiarotny prysud Kanavałavu i Kavalovu.
«Najpierš jašče raz chaču vykazać spačuvańnie ŭsim blizkim achviaraŭ, usim paciarpiełym u vyniku biesčałaviečnaha, žudasnaha terarystyčnaha aktu 11 krasavika ŭ Minsku. Ja biezumoŭna pierakananaja, što arhanizatary i vykanaŭcy hetaha złačynstva pavinny być pakaranyja. Ale ja, jak i mnohija ŭ Biełarusi i za jaje miežami, sumniajusia ŭ zdolnaści ciapierašniaj łukašenkavaj sistemy pravieści abjektyŭnaje śledstva. Nie vyklikaje nijakaha davieru i łukašenkaŭskaja sudovaja sistema. Ja sumniajusia ŭ jaje spraviadlivaści. Jak dziejničaje śledstva i jakija rašeńni prymaje sud u sučasnaj Biełarusi, my bačyli na prykładzie tak zvanaj spravy 19 śniežnia, kali ludzi byli adpraŭlenyja za kraty tolki za toje, što sprabavali vykarystać svajo kanstytucyjnaje prava na źmienu ŭłady. Ja dałučaju svoj hołas da hałasoŭ zachodnich palitykaŭ i pravaabaroncaŭ, jakija siońnia patrabujuć skasavać śmiarotny prysud Kanavałavu i Kavalovu».
Kamientary