Independent: Jak łord Beł admyvaŭ apošniaha dyktatara Jeŭropy

Brytanskaja Independent na pieršaj pałasie vykryvaje dziejnaść mahutnaj pijar-kampanii Bell Pottinger.

«Ciomnaje mastactva łabijavańnia», jakim u daskanałaści vałodajuć śpiecyjalisty Bell Pottinger, viadomaje daloka za miežami Brytanii.

Da ich pasłuhaŭ źviartajucca, da prykładu, kali nieabchodna «padpravić» imidž palityka, niepapularnaha lidara, kampanii i navat cełaj krainy.

Viadoma, što klijentami firmy niekalki hadoŭ tamu byli biełaruskija ŭłady na čale z Alaksandram Łukašenkam.

Vydańnie vyśvietliła, što pasłuhi Bell Pottinger vielmi niatannyja: rascenki kampanii pačynajucca ź miljona funtaŭ i vyšej.

Jak piša Independent, supracoŭniki Bell Pottinger uvachodziać u najvyšejšyja ešałony brytanskaj ułady i pa prośbie svaich klijentaŭ u samyja karotkija terminy mohuć atrymać aŭdyjencyju ŭ prem'jer-ministra Devida Kemierana ci ministra zamiežnych spravaŭ Uiljama Chiejha abo arhanizavać sustreču ŭ abychod dypłamatyčnych kanałaŭ.

Pradstaŭniki ofisa prem'jer-ministra ŭ dadzienym haziecie kamientary kateharyčna admaŭlali takuju mahčymaść.

U rasparadžeńnie Independent trapiŭ videazapis, zrobleny pradstaŭnikami niezaležnaj arhanizacyi «Biuro žurnalisckich rasśledavańniaŭ», na jakoj vysokapastaŭlenyja supracoŭniki Bell Pottinger padrabiazna raskazvajuć, jakoha rodu pasłuhi jany pradstaŭlajuć.

Jak zajavili reparcioram pradstaŭniki Bell Pottinger, raniej jany dapamahli pierakanać ES u tym, što Biełaruś prychilnaja da kursu reformaŭ. Adnak nieŭzabavie paśla taho jak ES admianiŭ zabaronu na ŭjezd Alaksandra Łukašenki, kraina viarnułasia na raniejšy šlach».

Da prykładu, jak śćviardžaje hazieta, pry nieabchodnaści jany zdolnyja ŭpłyvać na vyniki pošuku ŭ Google, adsiejvajučy i vydalajučy ŭsiu niehatyŭnuju infarmacyju pra klijenta.

Akramia taho, na videazapisie supracoŭniki Bell Pottinger vychvalajucca, što im nibyta pad siłu arhanizavać «sartavańnie» i «karektavańnie» artykułaŭ u Vikipiedyi ci źmiaścić publikacyju patrebnaha źmiestu ŭ nibyta niezaležnych krynicach błohaśfiery.

Pa słovach Independent, pradstaŭniki «Biuro žurnalisckich rasśledavańniaŭ» u znosinach z Bell Pottinger vydavali siabie za hrupu biznesoŭcaŭ, jakija supracoŭničajuć z uładami Uźbiekistana i dziejničajuć pa ich prośbie.

Vydańnie adznačaje, što siońnia

Uźbiekistan maje reputacyju adnoj z samych kryvavych dyktaturaŭ u śviecie, dzie, pavodle dadzienych pravaabaroncaŭ, žorstka dušycca luboje inšadumstva, a na bavoŭnavych płantacyjach vykarystoŭvajecca rabskaja dziciačaja praca.

Niahledziačy na heta, jak piša Independent, supracoŭniki Bell Pottinger achvotna pajšli na kantakt i byli hatovyja dać uładam Uźbiekistana ŭłasnyja pasłuhi pa «karektavańni» mižnarodnaha imidžu.

Hazieta paviedamlaje, što adna z hałoŭnych umovaŭ, jakija vysoŭvajucca čornymi pijarščykami pierad pačatkam supracoŭnictva z dyktatarami i adyjoznymi režymami, składajecca ŭ tym, kab tyja farmalna abviaścili pra svajo imknieńni da libieralizacyi i pačali pravodzić jakija-niebudź reformy.

Łabisty łabijujuć i adstojvajuć čyjeści intaresy, pijar-kampanii kłapociacca pra imidž svaich klijentaŭ. U hetym, na dumku analitykaŭ vydańnia, niama ničoha haniebnaha — da taho času, pakul hetyja pracesy znachodziacca pad kantrolem hramadskaści.

Independent zaklikaje ŭłady zrabić bolš žorstkim kantrol za dziejnaściu firmaŭ, padobnych da Bell Pottinger, i zrabić jaje maksimalna prazrystaj, a dla palitykaŭ — uvieści za praviła davać spravazdaču pra ŭsie sustrečy ź mižnarodnymi majstrami «ciomnaha mastactva łabijavańnia».

Aryhinał artykuła tut

• 0
• 0
• 0
• 0
• 0
• 0