U Rasii raście kolkaść ludziej, jakija nie vałodajuć rasijskaj movaj

Nasielnictva Rasii ŭ 2002–2010 hadach skaraciłasia na 2,3 miljona čałaviek (1,6%) i składaje 142 857 000 čałaviek, a siaredni ŭzrost rasijcaŭ skaraciŭsia na 1,3 hoda,

Pavodle dadzienych Rasstata, samaje vialikaje źmianšeńnie nasielnictva adbyłosia ŭ vioscy: straty sielskaha nasielnictva ŭ try razy bolšyja, čym haradskoha. Z 2002 hoda kolkaść sielskich nasielenych punktaŭ źmienšyłasia na 8,5 tys.

«Častka siołaŭ de-fakta žyvyja. Prosta jany ŭvajšli ŭ skład susiednich haradoŭ i pamianiali status. Ale častka była likvidavanaja, tamu što praz adjezd žycharoŭ u harady i „naturalnaha źmianšeńnia“ jany apuścieli. Zrešty, sielskich nasielenych punktaŭ, jakija de-jure jašče isnujuć, ale realna tam nichto nie žyvie, pierapisčyki naličyli jašče bolš — 19,4 tys. U paraŭnańni ź minułym pierapisam heta na 48% bolš», — havorycca ŭ haziecie.

Pavodle dadzienych Rasstata, najbolš nasielenymi zastajucca Centralnaja, Pryvołžskaja i Sibirskaja fiederalnyja akruhi, na terytoryi jakich pražyvaje bolš za 61% nasielnictva krainy. Na terytoryi hetych akruhaŭ pražyvaje 87,6 młn čałaviek (61,3% ad usich žycharoŭ Rasii). U 2002 hodzie hetaja ličba skłała 89,4 młn čałaviek.

Akramia taho, u Rasii praciahvajecca pavolnaje pavieličeńnie doli žančyn.

Kolkaść šlubnych par skłała 33 młn (pavodle dadzienych pierapisu 2002 — 34 młn). Z ahulnaha liku šlubnych par 4,4 młn (13%) byli ŭ niezarehistravanym šlubie (u 2002 hodzie — 3,3 młn).

Vyniki pierapisu śviedčać, što 137,02 młn čałaviek paznačyli svaju nacyjanalnuju prynaležnaść.

U 2010 hodzie vałodańnie rasijskaj movaj ukazali 138 młn čałaviek, u 2002 hodzie — 142,6 młn čałaviek. Siarod inšych movaŭ najbolš raspaŭsiudžanymi źjaŭlajucca anhlijskaja, tatarskaja, niamieckaja, čačenskaja, baškirskaja, ukrainskaja i čuvašskaja.

Usierasijski pierapis nasielnictva byŭ praviedzieny z 14 pa 25 kastryčnika minułaha hoda. Raniej paviedamlałasia, što kančatkovyja vyniki buduć padviedzienyja i apublikavanyja na praciahu 2011—2013 hh. Adznačałasia, što da 30 červienia 2012 pavinnyja być padviedzienyja vyniki ŭ dačynieńni da kolkaści, raźmiaščeńnia, ŭzrostava-połavaj struktury, znachodžańnia ŭ šlubie, adukacyi, nacyjanalnaha składu i vałodańnia movami, hramadzianstva, krynic srodkaŭ da isnavańnia,

ekanamičnaj aktyŭnaści, liku i składu chatniaj haspadarki, a taksama kolkaści asob, jakija časova znachodzilisia na datu praviadzieńnia pierapisu na terytoryi Rasii.

• 0
• 0
• 0
• 0
• 0
• 0
• 0
• 0