Biełaruś maje namier zakupić u Rasii vučebnyja samaloty «Jak-130»
Na praciahu adnaho-dvuch hadoŭ Biełaruś maje namier zakupić u Rasii vučebnyja samaloty "Jak-130". Pra heta BiełaPAN paviedamiŭ namieśnik ministra abarony pa ŭzbrajeńni — načalnik uzbrajeńnia Uzbrojenych sił hienierał-major Ivan Dyrman.
Pavodle jaho słoŭ, pytańnie ab pastaŭcy hetaj avijacyjnaj techniki ciapier prapracoŭvajecca z rasijskim bokam.
Prapracoŭvajecca taksama miechanizm pastaŭki ŭ pierśpiektyvie bajavych samalotaŭ dla pieraasnaščeńnia biełaruskaj vajennaj avijacyi. Jak adznačyŭ Dyrman, ciapier ažyćciaŭlajecca manitorynh typaŭ samalotaŭ, jakija mohuć być zakuplenyja dla biełaruskaj armii.
U hutarcy z žurnalistami Dyrman adznačyŭ, što ŭ pieraasnaščeńni ŭzbrojenych sił Biełarusi dasiahnuty peŭnyja pośpiechi. Razmova ŭ pieršuju čarhu idzie ab srodkach raźviedki, radyjoelektronnaj baraćby, kiravańnia i suviazi.
Namieśnik ministra adznačyŭ, što ŭ apošni čas nadajecca surjoznaja ŭvaha bieśpiłotnym avijacyjnym kompleksam. Partyja bieśpiłotnikaŭ dla patreb Uzbrojenych sił była zakuplena ŭ 2011 hodzie. Akramia taho, pavodle słoŭ Dyrmana, u Biełarusi viadziecca raspracoŭka ŭłasnych bieśpiłotnych avijacyjnych kompleksaŭ.
Kamientary