Nierastyražavanaje
Kažuć, što pieśniu «Manaloh sabaki» prybrali čynoŭniki z «Antalohii Pieśniaroŭ» pierad tym, jak padaryć jaje Łukašenku.
Dysk, jaki padaśpieŭ da studzienia — dramatyčnaha miesiaca dla Ŭładzimiera Mulavina. Mienavita ŭ studzieni 66 hadoŭ tamu tvorca naradziŭsia i ŭ hetym samym miesiacy — čatyry hady tamu — pamior...
Staŭleńnie da padobnych składanak u kožnaha svajo. Niechta moža pryniać prajekt «Nierastyražavanaje» jak čarhovuju sprobu zarabić na imieni Mulavina, niechta — jak sposab pakazać asobu Pieśniara z małaviadomaha boku. U lubym razie, «Hołas dušy» vyhladaje kudy cikaviej za jaki šarahovy «The Best» VIA «Pieśniary». Na hetym dysku nia znojdzieš adviečnych «Aleksandryny» ci «Jasia», zatoje tut jość rarytety, zabytyja dy małaviadomyja tvory.
Prykładam, pieśni z prahramaŭ na vieršy Janki Kupały i Ŭładzimiera Majakoŭskaha, z cyklaŭ «Praz usiu vajnu» i «Viasiołyja žabraki». Art‑rokavy numar na «Razład» Kupały (1982) ci akustyčnaje vykanańnie na «Pojaviliś mołodyje» Majakoŭskaha (1987) — heta prosta cud! A tak śmieła z muzyčnaha hledzišča, jak u tvory «Pierad atakaj» (1984) da paezii pra Vialikuju ajčynnuju, jašče, vidać, nichto nie padychodziŭ: dramatyčny vierš Siarhieja Hudzienki jašče bolej uzmacniaje psychadeličnaja hitara.
Jość tut «Manaloh sabaki», jaki napisaŭ Ihar Palivoda na vierš Pietrusia Makala. Kažuć, što mienavita hetuju pieśniu prybrali čynoŭniki z «Antalohii Pieśniaroŭ» pierad tym, jak padaryć jaje Łukašenku.
Praŭda, nie zusim zrazumieła, što tut robiać dobra viadomyja kampazycyi z poźniaha «pieśniaroŭskaha» peryjadu — «Oj, kuma» i «Čyrvona ruža», — jany nia tak bahatyja ŭ muzyčnym sensie, ale słuchajucca z pryjemnaściu.
Arhanična zakryvaje dysk praniźlivaja «Malitva» na słovy Janki Kupały. Kiraŭnička hetaha prajektu, žonka lidera «Pieśniaroŭ» Śviatłana Mulavina‑Pienkina kaža, što ŭ druhuju častku hetaha prajektu ŭvojduć samyja cikavyja pieśni pra kachańnie. Čakajem. Dysk z katehoryi «Dla ŭsich».
Nadrukavana ŭ №5'2007
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary