Nivodnaja ź ladovych aren Brestčyny nie adpracoŭvaje navat 50% vydatkavanych na jaje srodkaŭ
«Dumali, zarobim hrošaj, a ŭ vyniku nie atrymałasia», — razvodziać rukami ŭ abłvykankamie.
Pavodle źviestak upraŭleńnia fizičnaj kultury, sportu i turyzmu Bresckaha abłvykankama nivodny Ladovy pałac u vobłaści ŭ 2011 h. nie prynios prybytku. Bolš za toje, jany nie ŭ stanie «adbić» navat 50% tych hrošaj, jakija vydzialaje na ich dziaržava.
U Bresckaj vobłaści — 8 ladovych aren. U minułym hodzie zapuścili dźvie — u mai ŭ Łunincy, u listapadzie ŭ Ivacevičach.Na siońnia, pa słovach načalnika abłasnoha ŭpraŭleńnia fizkultury, sportu i turyzmu Mikałaja Chievuka, Łuniniecki zarablaje bolš. Vysokaja naviedvalnaść i, jak śledstva, prybytak u Ivacevičach. Krychu paźniej u abłvykankamie «padabjuć» dakładnyja ličby, ale navat hetym dvum pałacam da akupnaści daloka. Płatnyja pasłuhi nie ŭ stanie akupić vialikuju «kamunałku».
Usie hetyja abjekty ŭ vobłaści stratnyja, — kaža Mikałaj Chievuk. —
Udumajciesia, pa tym ža Bresckim Ladovym kamunalnyja pasłuhi ŭ miesiac — 218 miljonaŭ! Jak ich zarabić?Kali choć by jak u Ivacevičach — z ranicy da viečara puskać narod za hrošy… Tam niama ni kamandy, ni škoły — jany ŭsio addavali z ranicy da viečara na masavyja katańni. Ale ŭ nas siońnia 8 kamandaŭ hulaje za pieršynstvo krainy ŭ Breście,
Takim čynam, dachody pałacaŭ nie tolki nie pieravyšajuć vydatki, a nastolki małyja, što navat nie ŭ stanie vykanać uradavuju zadaču: zarablać choć by 50% vydatkaŭ. Pa słovach Mikałaja Chievuka, nivodnaja z aren nie zarablaje navat hetaha.
Słava bohu, budaŭnictva novych aren nie płanujecca,— praciahvaje Mikałaj Chievuk. — Heta na siońnia hałaŭny bol. My napładzili pałacaŭ, a ciapier razvažajem, jak ich utrymlivać.
Dumali, zarobim hrošy, ale ŭ vyniku nie atrymałasia.
Schiema, pa jakoj dziaržava apłačvaje žyćciadziejnaść «pałacaŭ» vielmi mudrahielista. Ladovyja areny siońnia nie źjaŭlajucca asobnymi pradpryjemstvami. Na bazie kožnaj — svaja dziciačaja spartyŭnaja škoła, jakaja i finansujecca ź biudžetu. Heta značyć ni škoła «pry pałacy», a naadvarot. Faktyčna dyrektarhoŭ u ladovych, pavodie Mikałaja Chievuka, niama. Jość dyrektary škoł, zavuč, inžyniernaja słužba. Tak što ŭ kaštarysie ahulnyja vydatki: jak na ŭdzieł u spabornictvach, tak i na ŭsio astatniaje. Va ŭpraŭleńni sportu i turyzmu pierakananyja:
adasoblena ladovyja b prosta nie vyžyli.
Akramia finansavych prablem, ladovyja areny sutykajucca i z kadravymi, što, mahčyma, naprosta zaležyć adzin ad adnaho. Na siońnia ŭ vobłaści nie chapaje trenieraŭ pa chakiei i fihurnym katańni. Zrešty, nie tolki na Brestčynie, ale, jak kaža Mikałaj Chievuk, u cełym krainie. Usie chočuć pracavać u Minsku, pracavać ža ŭ rajonach nichto asabliva žadańniem nie haryć.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary