Ніводная з лядовых арэн Брэстчыны не адпрацоўвае нават 50% выдаткаваных на яе сродкаў
«Думалі, заробім грошай, а ў выніку не атрымалася», — разводзяць рукамі ў аблвыканкаме.
Паводле звестак упраўлення фізічнай культуры, спорту і турызму Брэсцкага аблвыканкама ніводны Лядовы палац у вобласці ў 2011 г. не прынёс прыбытку. Больш за тое, яны не ў стане «адбіць» нават 50% тых грошай, якія выдзяляе на іх дзяржава.
У Брэсцкай вобласці — 8 лядовых арэн. У мінулым годзе запусцілі дзве — у маі ў Лунінцы, у лістападзе ў Івацэвічах.На сёння, па словах начальніка абласнога ўпраўлення фізкультуры, спорту і турызму Мікалая Хевука, Лунінецкі зарабляе больш. Высокая наведвальнасць і, як следства, прыбытак у Івацэвічах. Крыху пазней у аблвыканкаме «падаб’юць» дакладныя лічбы, але нават гэтым двум палацам да акупнасці далёка. Платныя паслугі не ў стане акупіць вялікую «камуналку».
Усе гэтыя аб’екты ў вобласці стратныя, — кажа Мікалай Хевук. —
Удумайцеся, па тым жа Брэсцкім Лядовым камунальныя паслугі ў месяц — 218 мільёнаў! Як іх зарабіць?Калі хоць бы як у Івацэвічах — з раніцы да вечара пускаць народ за грошы… Там няма ні каманды, ні школы — яны ўсё аддавалі з раніцы да вечара на масавыя катанні. Але ў нас сёння 8 камандаў гуляе за першынство краіны ў Брэсце,
Такім чынам, даходы палацаў не толькі не перавышаюць выдаткі, а настолькі малыя, што нават не ў стане выканаць урадавую задачу: зарабляць хоць бы 50% выдаткаў. Па словах Мікалая Хевука, ніводная з арэн не зарабляе нават гэтага.
Слава богу, будаўніцтва новых арэн не плануецца,— працягвае Мікалай Хевук. — Гэта на сёння галаўны боль. Мы напладзілі палацаў, а цяпер разважаем, як іх утрымліваць.
Думалі, заробім грошы, але ў выніку не атрымалася.
Схема, па якой дзяржава аплачвае жыццядзейнасць «палацаў» вельмі мудрагеліста. Лядовыя арэны сёння не з’яўляюцца асобнымі прадпрыемствамі. На базе кожнай — свая дзіцячая спартыўная школа, якая і фінансуецца з бюджэту. Гэта значыць ні школа «пры палацы», а наадварот. Фактычна дырэктаргоў у лядовых, паводе Мікалая Хевука, няма. Ёсць дырэктары школ, завуч, інжынерная служба. Так што ў каштарысе агульныя выдаткі: як на ўдзел у спаборніцтвах, так і на ўсё астатняе. Ва ўпраўленні спорту і турызму перакананыя:
адасоблена лядовыя б проста не выжылі.
Акрамя фінансавых праблем, лядовыя арэны сутыкаюцца і з кадравымі, што, магчыма, напроста залежыць адзін ад аднаго. На сёння ў вобласці не хапае трэнераў па хакеі і фігурным катанні. Зрэшты, не толькі на Брэстчыне, але, як кажа Мікалай Хевук, у цэлым краіне. Усе хочуць працаваць у Мінску, працаваць жа ў раёнах ніхто асабліва жаданнем не гарыць.
Цяпер чытаюць
У Мінску перадумалі зносіць хрушчоўкі. Рэнавацыя закране двух-трохпавярховыя дамы1
Каментары