Čempijanat śvietu pa chakiei — 2014 — ryčah upłyvu na biełaruskija ŭłady

«Biełaruś źjaŭlajecca adnym z najvažniejšych pytańniaŭ našaha paradku dnia, Jeŭraparłamient pilna sočyć za raźvićciom situacyi ŭ hetaj krainie», — zajaviŭ kiraŭnik rabočaj hrupy pa Biełarusi Jeŭraparłamienta Jacak Pratasievič 12 studzienia na pasiadžeńni palitkamiteta JEP u Strasburhu.

«Bolš za hod prajšło z dnia sumnych padziej. Z našaha punktu hledžańnia situacyja źmianiłasia ad drennaj da vielmi drennaj. U 2010 hodzie my byli davoli aptymistyčnyja, abmiarkoŭvajučy pierśpiektyvy raźvićcia adnosin ES i Biełarusi, ale paśla padziej 19 śniežnia supracoŭnictva stała niemahčymym», — skazaŭ Pratasievič.

Pavodle jaho słoŭ, za hod, što minuŭ paśla prezidenckich vybaraŭ, možna było nieadnarazova nazirać «nacisk i pieraśled z boku biełaruskich uład palityčnych apanientaŭ, pravaabaroncaŭ, u tym liku Alesia Bialackaha, i aktyvistaŭ hramadzianskaj supolnaści».

Kiraŭnik rabočaj hrupy pa Biełarusi taksama adznačyŭ źmianieńni ŭ biełaruskim zakanadaŭstvie, jakija ŭzmacniajuć žorstkaść da dziejnaści hramadskich abjadnańniaŭ i partyj, paradku praviadzieńnia masavych mierapryjemstvaŭ. Akramia taho, padkreśliŭ jeŭradeputat, u Biełarusi pryniaty zakon, jaki pašyraje paŭnamoctvy supracoŭnikaŭ śpiecsłužbaŭ.

U svaju čarhu dyrektar upraŭleńnia Uschodniaj Jeŭropy, Paŭdniovaha Kaŭkaza i Centralnaj Azii hienieralnaha dyrektarata pa źniešnich suviaziach Jeŭrakamisii Hunar Vihand zajaviŭ, što ES praciahnie ŭvodzić abmiežavalnyja miery ŭ adnosinach da tych, chto maje dačynieńnie da represij i padaŭleńniaŭ svabod u Biełarusi. Pry hetym jon padkreśliŭ: Jeŭrasajuz maje namier praciahvać akazvać padtrymku biełaruskamu narodu i hramadzianskaj supolnaści.

Adkazvajučy na pytańnie pra vierahodnaść admieny praviadzieńnia ŭ Minsku čempijanatu śvietu pa chakiei 2014 hoda, Vihan adznačyŭ,

što heta pytańnie znachodzicca ŭ kampietencyi Mižnarodnaj fiederacyi chakieja. Admiena čempijanatu, pavodle jaho mierkavańnia, była b efiektyŭnaj mieraj u dačynieńni da aficyjnaha Minska,

U suviazi z hetym Vihan nahadaŭ, što ŭ svoj čas šerah zachodnich krain bajkatavali Alimpijskija hulni ŭ Maskvie ŭ 1980 hodzie.

Karotki ahlad situacyi ŭ Biełarusi na pasiadžeńni zrabiła kiraŭnik pradstaŭnictva ES u Minsku Majra Mora. Ekanamičnuju situacyju ŭ krainie jana nazvała «składanaj, ale pakul stabilnaj».

Mora taksama pryviała danyja vieraśnioŭskaha apytańnia Niezaležnaha instytuta sacyjalna-ekanamičnych i palityčnych daśledavańniaŭ (Vilnius), zhodna ź jakimi rejtynh Alaksandra Łukašenki skłaŭ krychu bolš za 20%, što źjaŭlajecca histaryčnym minimumam.

Pradstaŭnik Mižnarodnaj fiederacyi pravoŭ čałavieka, jaki prysutničaŭ u zale, nahadaŭ prysutnym pra asudžanaha ŭ Biełarusi pravaabaroncu Alesia Bialackaha, jaki źjaŭlajecca vice-staršynioj MFPČ. Kryminalny pieraśled pravaabaroncy, padkreśliŭ jon, staŭ mahčymym u vyniku vydačy litoŭskimi i polskimi ŭładami aficyjnamu Minsku infarmacyi pra bankaŭskija rachunki Bialackaha.

Pradstaŭnik MFPČ zaklikaŭ ES uzmacnić padtrymku hramadzianskaj supolnaści ŭ Biełarusi, ale adnačasova z hetym pryniać miery pa achovie danych, kab nie dapuścić paŭtoru «spravy Bialackaha».

• 0
• 0
• 0
• 0
• 0
• 0
• 0
• 0