AsudžanyPra heta paviedamiła žurnalistam žonka palityka Maryna Adamovič.eks-kandydat u prezidenty Mikałaj Statkievič paśla prybyćcia ŭ mahiloŭskuju turmu № 4 byŭ nakiravany na 10 dzion u štrafny izalatar za parušeńnie režymu adbyćcia pakarańnia.
U Mahilovie ź joju sustreŭsia načalnik turmy Alaksandr Łamaza. «Jon pryniaŭ mianie, choć heta nie byŭ pryjomny čas. Skazaŭ, što Mikałaj tut, što atrymaŭ pakarańnie naŭzdahon, ale pryčyny jon nie nazvaŭ», — skazała Adamovič. Pavodle jaje słoŭ, pakarańnie palitźniavoleny atrymaŭ jašče ŭ škłoŭskaj kałonii № 17 užo paśla suda 12 studzienia. Na sudzie była pryniata pastanova ab bolš žorstkim pakarańni Statkieviča i pieravodzie jaho na turemny režym adbyćcia pakarańnia na try hady.
Maryna Adamovič miarkuje, što pryčynaj znachodžańnia jaje muža ŭ štrafnym izalatary źjaŭlajecca vyklučna niepryjaznaje staŭleńnie da Statkieviča z boku načalnika škłoŭskaj kałonii Siarhieja Jermalickaha. «Spadar Jermalicki naŭzdahon, užo paśla suda, znajšoŭ pryčynu, kab jašče nahadzić», — zajaviła Adamovič.
Pavodle jaje słoŭ, znachodžańnie ŭ turmie praduhledžvaje strohi režym, heta značyć adno karotkaje spatkańnie na hod i adna banderol da 2 kh u jakaści praduktovaj pieradačy.
Žonka palityka zaznačyła, što pretenzij ź jaje boku da načalnika turmy Alaksandra Łamazy pakul niama.
-
«Univiersitet praciahvaje svaju dziejnaść». EHU prakamientavaŭ abviaščeńnie siabie ŭładami Biełarusi «ekstremisckaj arhanizacyjaj»
-
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada
-
U hetym hodzie da Dnia Pieramohi ŭ Hrodnie buduć farsiravać Nioman
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary