Pucin na sustrečy sa ŚMI — pra nacyjanalnaść Akunina, užyvaje słovy «panos», «bydła»

Prem'jer-ministr Rasii Uładzimir Pucin na sustrečy z kiraŭnikami ŚMI paśla šmattysiačnych mitynhaŭ svaich praciŭnikaŭ acaniŭ asoby stychijnych lidaraŭ pratestnaha ruchu dy prakamientavaŭ krytyku ŭłady i siabie asabista ŭ ŚMI, uspomniŭšy pry hetym ab nacyjanalnaści svaich apanientaŭ, užyvajučy słovy «panos» i «bydła».

«Voś, naprykład, my ŭsie lubim piśmieńnika Akunina. Jon piša vielmi cikavyja, dla mianie, va ŭsiakim vypadku, rečy. Ich ekranizujuć. Jon, nakolki mnie viadoma, etničny hruzin. Ja razumieju, što jon moh nie ŭsprymać dziejańni Rasii padčas viadomaha kryzisu i padziej na Kaŭkazie, a, pa sutnaści, ŭzbrojenaj baraćby pamiž Hruzijaj i Rasijaj», — cytuje premjera «Interfaks».

Akunin staŭ adnym z samych papularnych viadučych mitynhaŭ na Bałotnaj płoščy i praśpiekcie Sacharava. Naziralniki kažuć, što

piśmieńnik moh by ŭznačalić pratestny ruch, mnohija členy jakoha nie adčuvajuć davieru da prafiesijnych palitykaŭ, jakija dałučylisia da mitynhaŭ.

Pucin zhadaŭ pra nacyjanalnaść Akunina ŭ kantekście mahčymaj sustrečy ŭłady i pradstaŭnikoŭ pratestnaha ruchu.

U razmovie z hałoŭnym redaktaram radyjostancyi «Echo Moskvy» Alaksiejem Vieniedyktavym premjer Pucin zajaviŭ, što jaho nie chvaluje krytyka ŭ ŚMI.

«Ja z 1996 hoda nie chadžu na vybary, Uładzimir Uładzimiravič, i rastłumaču čamu…» — cytuje Vieniedyktava RIA «Novosti».

«A vy na mianie pakryŭdzilisia», — pierapyniŭ jaho Pucin. «Ja pakryŭdziŭsia, pakryŭdziŭsia…» — pačaŭ kazać Vieniedyktaŭ.

«A darma, ja voś nie kryŭdžusia na vas, kali vy mianie palivajecie panosam tam z ranicy da viečara»,

Paśla hetaha Pucin pryznaŭsia, što sočyć za dyskusijami na sajcie radyjostancyi «Echo Moskvy», viadomaj jak pole dla šyrokich sprečak internet-karystalnikaŭ, jakija padzialilisia na prychilnikaŭ i praciŭnikaŭ ułady.

Jak paviedamlaje RIA «Naviny», Pucin, źviartajučysia da hałoŭnaha redaktara radyjostancyi «Echo Moskvy», zadaje pytańnie, skazaŭ: «Voś, pa-mojmu, u vas adzin z hramadzian skazaŭ i napisaŭ — na vašym sajcie: za Pucina hałasuje bydła, a artykuł ja jaho i nie čytaŭ. Heta što za forma dyskusii i što za staŭleńnie da bolšaj častki hramadzian našaj krainy? Heta što takoje? Pra što dyskutavać z čałaviekam, jaki ličyć, što bolšaść, a bolšaść za mianie da hetaha času, va ŭsiakim vypadku, hałasavała, što heta — bydła».

Raniej pres-sakratar premjera Dźmitryj Piaskoŭ śćviardžaŭ, što Pucin redka karystajecca internetam.

Pucin niaredka źviartajecca da abraźlivych vyrazaŭ, dakazvajučy svaju racyju. Padčas apošniaha telemosta z krainaj Pucin paraŭnaŭ simvał pratestnaha ruchu biełuju stužačku z kantraceptyvami.

Padčas taho ž pramoha teleefiru premjer Pucin, kažučy ab pradstaŭnikach apazicyi, nazvaŭ ich banderłohami. Hetaje słova čaściej za ŭsio hučała na mitynhu na praśpiekcie Sacharava, udzielniki jakoha dziakavali Pucinu za toje, što jon daŭ novy impuls pratestaŭ.

• 0
• 0
• 0
• 0
• 0
• 0
• 0
• 0