Biełaruscy, što naradziła na polskaj miažy, vystavili rachunak 9 tys. dalaraŭ
U takuju sumu abyšłosia dvaccacidzionnaje znachodžańnie ŭ klinicy maci i dziciaci.
Historyja pra toje, jak u pačatku studzienia minčuk Valancin Jurčanka ŭ aŭtamabili pryniaŭ rody ŭ svajoj žonki na polskaj miažy, ablacieła polskija i biełaruskija ŚMI. Niemaŭla źjaviłasia na śviet na siomym miesiacy, i jaho razam z mamaj źmiaścili ŭ kliniku. Ciapier baćki znachodziacca ŭ šoku: za lačeńnie biełastocki špital vystaviŭ rachunak kala 9 000 dalaraŭ.
U takuju sumu abyjšłosia dvaccacidzionnaje znachodžańnie ŭ klinicy maci i dziciaci.
— Ja byŭ u šoku, kali ŭbačyŭ rachunak, — kaža tata maleńkaha Mišy Valancin Jurčanka, — Zrazumieła, takich hrošaj u mianie niama. Ja pracuju ŭ Ministerstvie pa nadzvyčajnych situacyjach. Sami viedajecie, jaki zarobak u biudžetnikaŭ.
Strachavaja kampanija admoviłasia kampiensavać košt lačeńnia, spasłaŭšysia na toje, što strachoŭka nie raspaŭsiudžvajecca na rody.
— Ciapier nam treba dakazać, što zaŭčasnyja rody pradstaŭlali pahrozu žyćcia majoj žonki, — tłumačyć Valancin.
Pa słovach hienieralnaha konsuła Biełarusi ŭ Biełastoku Alaksandr Bierabieni,
biełastocki špital nie patrabuje ŭ biełarusaŭ nieadkładna apłacić košt.
— Za lačeńnie žančyny zapłacić jaje muž, a hrošy dla maleńkaha Mišy hatovy pieraličyć polski fond, jaki dapamahaje niedanošanym dzieciam, — zapeŭnivaje Alaksandr Bierabienia. — Akramia taho, pastupiła prapanova ad firmy «Śniežka» — viadomaha vytvorcy farbaŭ. Jaje kiraŭnictva taksama hatova dapamahčy apłacić rachunak za lačeńnie dziciaci.
U konsulstva telefanavali žychary Biełastoka, jakija pračytali ab hetaj historyi ŭ miascovaj haziecie. Ludzi turbavalisia, jak adčuvaje siabie dzicia i jaho mama.
— Siońnia ja bačyŭ Mišu i jaho mamu Śviatłanu. Jany zdarovyja i vypisvajucca z kliniki, — dadaŭ hienieralny konsuł. — Miša padros, pry naradžeńni jon važyŭ 1700 hramaŭ, a ciapier — užo 2800. Spadziajusia, užo ŭviečary niemaŭla vierniecca na radzimu.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary