U Rasii ŭ paraŭnańni ź Biełaruśsiu demakratyja: za vybarami možna budzie realna nazirać.
Błohier Alaksiej Navalny zapuściŭ prajekt «Rasvybary», z dapamohaj jakoha hramadzianie zmohuć zapisvacca naziralnikami na prezidenckija vybary, pryčym zapisvacca prapanujecca adrazu na «padazronyja» vybarčyja ŭčastki, dzie na dumskich vybarach byli zaŭvažanyja parušeńni abo «Adzinaja Rasija» nabrała zanadta šmat hałasoŭ.
«Vy žyviacie ŭ Maskvie i chočacie być naziralnikam. Žyviacie, naprykład, u Pierajasłaŭskim zavułku, dom 4. Rehistrujeciesia na sajcie, i jon aŭtamatyčna vydaje najbližejšyja da vašaha doma vybarčyja ŭčastki, dzie było vidavočnaje machlarstva», — piša Navalny.
Jak udakładniŭ błohier, učastki, na jakich na dumskich vybarach mahli adbycca falsifikacyi, byli vyznačanyja statystyčnymi mietadami.Ciapier stvaralniki prajekta vyrašyli znajści dobraachvotnikaŭ, jakija byli b hatovyja pravieści 4 sakavika na «prablemnych učastkach». Pryčym zarehistravacca jany mohuć nie tolki naziralnikami, ale i ŭ jakaści jurystaŭ i ŭdzielnikaŭ mabilnych hrup, jakija buduć pieraškadžać pracy «karusielaŭ» — formy falsifikacyi vybaraŭ, kali adny i tyja ž ludzi pa niekalki razoŭ hałasujuć na roznych vybarčych učastkach pa admacavalnych tałonach.
«My vybirajem mienavita tyja ŭčastki, dzie byli vidavočnyja falsifikacyi na papiarednich vybarach. I na kožny taki ŭčastak stavim dvuch naziralnikaŭ. Kali atrymajecca — try. Plus mabilnyja hrupy. Plus jurysty ŭ hetych hrupach», — patłumačyŭ Navalny.
Pavodle jaho słovaŭ, aŭtary «Rasvybaraŭ» spadziajucca znajści naziralnikaŭ na 20 tysiač učastkaŭ, pałova ź jakich znachodzicca ŭ Maskvie.Navalny zaklikaŭ stvarać anałahičnyja prajekty ŭ rehijonach, dadaŭšy, što padobnyja hrupy ŭžo rychtujucca ŭ
Paśla vybaraŭ u Dziarždumu ŭ sietcy źjaviłasia mnostva apoviedaŭ, fatahrafij i videazapisaŭ, u jakich naziralniki raskazvali pra maštabnyja falsifikacyi. U śniežni hrupa naziralnikaŭ padała skarhu ŭ Strasburhski sud z nahody parušeńniaŭ na vybarach u Pieciarburhu.
U studzieni Jeŭrapiejski sud pa pravach čałavieka pryniaŭ hetuju skarhu da razhladu.
Biełaruskija hramadzianie tak nie mohuć: naša kraina nie ŭvachodzić u Radu Jeŭropy.Dyj vybarčaja praktyka ŭ Biełarusi zusim inšaja: kiraŭniki vybarčych kamisij mohuć prosta nie padpuskać naziralnikaŭ da stała, dzie padličvajucca hałasy. Abo takoje: siabry kamisij źličvajuć stosy biuleteniaŭ asobna i šeptam paviedamlajuć staršyniam kamisij, a tyja ŭžo sami vyvodziać "kančatkovuju ličbu". Zrešty, pra jakija vybary havorka, kali ŭsie apošnija kampanii supravadžalisia masavymi aryštami ŭdzielnikaŭ vybarčych štaboŭ, zvalnieńniami niezaležnych naziralnikaŭ i zakryćciom ŚMI?
Tak što Navalny, ź biełaruskaha punktu hledžańnia, dziejničaje ŭ ciapličnych umovach.Pakul, prynamsi, ceny na naftu vysokija i Pucin zachoŭvaje papularnaść.
Ciapier čytajuć
Aryštavany 75‑hadovy Źmicier Sańko — vieteran-vydaviec2
Kamientary