Jeŭrazijski bank raźvićcia (JEABR) prahnazuje značnaje źnižeńnie tempaŭ rostu VUP Biełarusi ŭžo ŭ siarednieterminovaj pierśpiektyvie. Pra heta havorycca ŭ daśledavańni «Kompleksnaja acenka makraekanamičnaha efiektu roznych form hłybokaha ekanamičnaha supracoŭnictva Ukrainy z krainami Mytnaha sajuza i Adzinaj ekanamičnaj prastory ŭ miežach JeŭrAzES», apublikavanym na sajcie JEABR.
«Tempy rostu VUP Biełarusi pačnuć značna zapavolvacca ŭžo ŭ siarednieterminovaj pierśpiektyvie (z 4,7% da 2,6%). Adnoj z pryčyn hetaha stanie niemahčymaść dalejšaha naroščvańnia vypusku na sastarełych vytvorčych mahutnaściach, a taksama źnižeńnie kankurentazdolnaści biełaruskaj pramysłovaści na fonie rostu cen na klučavyja vidy raschodaŭ», — havorycca ŭ daśledavańni.
Pavodle mierkavańnia jaho aŭtaraŭ, z pryčyny vysokaj zaležnaści ekanomiki Biełarusi ad impartnych enierharesursaŭ «niemahčyma havaryć pra rost kankurentazdolnaści biełaruskaj ekanomiki biez vyrašeńnia zadačy enierhaefiektyŭnaści».
Pavodle raźlikaŭ Instytuta narodnahaspadarčaha prahnazavańnia Rasijskaj akademii navuk, jakija pryvodziacca ŭ daśledavańni, u 2011–2015 hadach siaredniehadavyja tempy rostu VUP składuć u Biełarusi 4,7%, u nastupnaj piacihodcy (2016–2020 hady) — 2,6% i jašče bolš zamarudziacca ŭ 2021–2025 hady, da 2,3%.
Nahadajem, što na 2012 hod biełaruskija ŭłady zaćvierdzili prahnoz, jaki praduhledžvaje rost VUP na ŭzroŭni 5–5,5%. Prahrama
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary