Staršynia Respublikanskaj ekśpiertnaj kamisii pa praduchileńni prapahandy parnahrafii, hvałtu i žorstkaści Nina Fralcova prakamientavała eratyčnuju fotasiesiju ŭ mietro.
— Absalutna nie ździŭlajusia i tamu, što nidzie niama słovaŭ asudžeńnia hetaha ŭčynku, — zajaviła Fralcova «Biełhazietie». — Čaho asudžać, kali dosyć pahladzieć, jak apranutyja letam našy studentki — padkreślivajuć formy, ahalajuć žyvaty. Na Zachadzie heta moda dla biednych, pryčym nie jeŭrapiejcaŭ, a ludziej inšych rasaŭ, ale ŭ nas čamuści ličycca, što heta «ot kuciur». Pasprabujcie prahulacca pa Paryžy ŭ šortach, z hołymi nahami, kab majka była vyšej pupa — vas napeŭna spynić palicyja…
Dobra choć staršynia ekśpiertnaj kamisii nie dadała, što mienavita za nieprystojnaje adzieńnie da hetaha času linčujuć niehraŭ u Amierycy.
— Na situacyju z aholenaj dziaŭčynaj u minskim mietrapalitenie, jakuju, pavodle ahučanaj infarmacyi, aštrafavali za drobnaje chulihanstva, možna ž pahladzieć i pad inšym vuhłom,— praciahvaje Fralcova. — U Biełarusi z udziełam Interpoła rasśledavałasia nie adna kryminalnaja sprava, źviazanaja z tym, što mienavita siarod našych dziaŭčat znachodzilisia tyja, chto za nievialikuju płatu zhadžaŭsia zajmacca peŭnym vidam dziejnaści, pryčym u režymie
Zrešty, jak vyjaviłasia, pačućcio humaru ŭsio ž nie čužoje kiraŭniku «antyparnahrafičnaj» kamisii.
— Adčuvajecca mocnaja, kłapatlivaja ruka dziaržavy — studentaŭ vyzvalili ad płaty za prajezd u hramadskim transparcie, u jakim jany i raźjazdžajuć toples, — śmiejučysia, padahulniła Nina Fralcova.
Kamientary