«Z ulikam realizacyi ŭ Biełarusi prahramy dyversyfikacyi enerhietyčnych pastavak i pavieličeńnia pracentu vykarystańnia miascovych i adnaŭlalnych krynic enierhii, biezumoŭna, supracoŭnictva sa Švecyjaj maje vialiki intares», — skazaŭ pasoł Švecyi.
Šviecyja hatova padzialicca svaimi napracoŭkami ŭ halinie enierhietyki, intares da raźvićcia supracoŭnictva ź Biełaruśsiu ŭ hetym napramku jość. Ab hetym karespandentu BIEŁTA paviedamiŭ Nadzvyčajny i Paŭnamocny Pasoł našaj krainy ŭ Karaleŭstvie Šviecyja Andrej Hrynkievič.
Pavodle jaho słoŭ, enierhietyka — najbolš pierśpiektyŭny napramak uzajemadziejańnia našych krain. Šviecyja dasiahnuła vialikich pośpiechaŭ u vykarystańni miascovych adnaŭlalnych krynic enierhii. Heta kraina źjaŭlajecca adnym z suśvietnych lideraŭ u halinie enierhietyčnaj efiektyŭnaści i značnuju ŭvahu nadaje achovie navakolnaha asiarodździa.
«Z ulikam realizacyi ŭ Biełarusi prahramy dyviersifikacyi enierhietyčnych pastavak i pavieličeńnia pracenta vykarystańnia miascovych i adnaŭlalnych krynic enierhii (da 2012 hoda hety pakazčyk pavinien dasiahnuć 20?25 pracentaŭ), biezumoŭna, supracoŭnictva sa Šviecyjaj maje vialiki intares», — skazaŭ dypłamat.
Jon adznačyŭ, što Šviecyja pačała pastupovy pieravod častki svaich aŭtatranspartnych srodkaŭ na bijaetanoł. U bližejšyja 20 hadoŭ jana maje namier poŭnaściu admovicca ad vykarystańnia nafty i naftapraduktaŭ u svajoj ekanomicy.
Šviecyja vystupaje za skaračeńnie vykarystańnia atamnaj enierhietyki, ale tym nie mienš atamnyja elektrastancyi ŭ krainie pakul pradaŭžajuć pracavać.
Ciapier adnosiny Biełarusi i Šviecyi ŭ halinie enierhietyki aktyŭna raźvivajucca. Na rehularnaj asnovie adbyvajecca abmien vizitami pamiž śpiecyjalistami i ekśpiertami. U 2006 hodzie adbyłosia niekalki vizitaŭ biełaruskich delehacyj u Šviecyju, u tym liku na ŭzroŭni namieśnika ministra enierhietyki.
U kancy sakavika zapłanavana pajezdka delehacyi pad kiraŭnictvam namieśnika staršyni Prezidyuma Nacyjanalnaj akademii navuk Biełarusi Uładzimira Cimašpolskaha. Asnoŭnaja ŭvaha budzie nadadziena vyvučeńniu šviedskaha vopytu vykarystańnia miascovych i adnaŭlalnych vidaŭ paliva, paviedamiŭ Andrej Hrynkievič.
Fota Andreja Lankieviča
-
Biełarusam Alenie i Krystafu, u jakich u Varšavie zhareła arendnaja kvatera, za dzień sabrali bolš za $16 tysiač
-
Biełarus, jakomu zabaranili ŭjazdžać u Jeŭropu, znajšoŭ chitry sposab, jak heta abyści
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
Kamientary