Kancler FRH Anhieła Mierkiel płanuje raźvić sietku vietranych elektrastancyj kala bierahoŝ krainy. Ahulnaja płošča, zaniataja vietrakami, u šeść razoŭ pieravysić pamiery Ńju-Jorka, a daŭžynia novych linij elektrapieradačy budzie jak adlehłaść ad Łondana da Bahdada.
Realizacyja prajekta aceńvajecca ŭ €200 młrd, heta značyć 8% ad VUP krainy pa vynikach 2011 hoda.
Nieabchodnaść stvareńnia hetak bujnoj sietki vietranych elektrastancyj
abumoŭlena namierami Hiermanii admovicca ad vykarystańnia 17 atamnych reaktaraŭ, jakija vypracoŭvajuć piatuju častku elektraenierhii ŭ krainie.
«Kali Hiermanija paśpiachova realizuje prajekt, jana moža stać uzoram dla pierajmańnia dla inšych krain. Kali heta nie atrymajecca, to heta budzie katastrofaj dla palitykaŭ, hramadstva i ekanomiki Hiermanii», - kaža Kłaŭdzija Kiemfiert, analityk z daśledčaha instytuta DIW u Bierlinie.
Hiermanija abviaściła pra namier admovicca ad jadziernaj enierhietyki i začynić usie AES u krainie da 2022 hoda paśla avaryi na japonskaj AES «Fukusima-1» ŭ sakaviku minułaha hoda.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)