Яны расцягнуцца на тэрыторыі, роўнай шасці Нью-Ёркам.
Канцлер ФРГ Ангела Меркель плануе развіць сетку ветраных электрастанцый каля берагощ краіны. Агульная плошча, занятая ветракамі, у шэсць разоў перавысіць памеры Нью-Ёрка, а даўжыня новых ліній электраперадачы будзе як адлегласць ад Лондана да Багдада.
Рэалізацыя праекта ацэньваецца ў €200 млрд, гэта значыць 8% ад ВУП краіны па выніках 2011 года.
Неабходнасць стварэння гэтак буйной сеткі ветраных электрастанцый
абумоўлена намерамі Германіі адмовіцца ад выкарыстання 17 атамных рэактараў, якія выпрацоўваюць пятую частку электраэнергіі ў краіне.
«Калі Германія паспяхова рэалізуе праект, яна можа стаць узорам для пераймання для іншых краін. Калі гэта не атрымаецца, то гэта будзе катастрофай для палітыкаў, грамадства і эканомікі Германіі», - кажа Клаўдзія Кемферт, аналітык з даследчага інстытута DIW у Берліне.
Германія абвясціла пра намер адмовіцца ад ядзернай энергетыкі і зачыніць усе АЭС у краіне да 2022 года пасля аварыі на японскай АЭС «Фукусіма-1» ў сакавіку мінулага года.
Каментары