I vykazaŭ spačuvańnie svajakam rasstralanych.
Alaksandr Łukašenka zajaviŭ, što spačuvaje svajakam Uładzisłava Kavalova i Dźmitryja Kanavałava, jakija niadaŭna byli pakaranyja pa abvinavačvańni ŭ sieryi teraktaŭ. Takuju zajavu jon zrabiŭ u intervju telekanału Russia Today 20 sakavika.
«Dla mianie heta była čarhovaja trahiedyja ŭ maim žyćci, — skazaŭ jon. —
Bolš za ŭsio ja supieražyvaŭ baćkam hetych ludziej, jakim ja dapamahčy nie mahu. Na žal».Jon dadaŭ, što jamu składana było admović adnamu z asudžanych u pamiłavańni (ab pamiłavańni prasiŭ Uładzisłaŭ Kavaloŭ, druhi fihurant spravy hetaj mahčymaściu nie skarystaŭsia).
Adnak u hetaj situacyi, pa słovach Łukašenki, inakš jon pastupić nie moh.
«Heta čystaja kryminalščyna, — skazaŭ jon z nahody teraktaŭ, za jakija byli asudžanyja Kavaloŭ i Kanavałaŭ. — Prytym katastrafičnaja vielmi kryminalščyna, daravańniu jakoj niama. Ja miarkuju, tak by i ŭ Rasii pastupili, i ŭ inšych krainach».
Jon taksama adznačyŭ, što za čas znachodžańnia na prezidenckaj pasadzie tolki adzin raz pamiłavaŭ čałavieka, asudžanaha da śmiarotnaha pakarańnia.
Pretenzii da sudovaha pracesu nad abvinavačanymi ŭ teraryźmie Łukašenka adkinuŭ, adznačyŭšy, što praces byŭ adkrytym i što «ŭsie pracedury byli vykananyja».
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek5
Kamientary