Na dvanaccatym pa liku kancercie z seryi «Tuzin. Unplugged» 29 sakavika vystupić viadučaja biełaruskaja rehi-kamanda «Addis Abieba» i hurt «Harotnica», jaki imkniecca spałučyć u svajoj tvorčaści ska i klasyku, džaz i pank, rehi i bałkanskuju muzyku. «My źbirajemsia zładzić miž saboj instrumentalnyja spabornictvy, buduć supervakalizy i tancy, a samaje hałoŭnaje — atanalnaje soła na domry», — abiacajuć Valeryja Vaładźko i Andruś Takindanh. A lider «Addis Abieba» Dzima Ivanoŭ vyrašyŭ zrabić staŭku na absalutna novyja pieśni, a taksama zhadać paru biełaruskamoŭnych numaroŭ.
Hurt «Harotnica» zajaviŭ pra siabie na «Tuzinie Hitoŭ» ź pieśniaj «Dałoni» pry kancy 2009 hodu. Z taho času skład hurta nieadnarazova źmianiaŭsia za vyniatkam vakalistki Valeryi Vaładźko dy ruchavika kamandy Andrusia Takindanha. Niaźmiennaj zastajecca i sama ideja prajektu, zajaŭlenaja na pačatku. Muzyki niejak nazvali svaje tvory «pieśniami biełaruskaj prastytutki». Pavodle zadumy, vakalistka piaje ad imia asacyjalnaj asoby, jakaja znachodzicca ŭ pošukach kachańnia. Na «Tuzin. Unplugged» 29 sakavika «Harotnica» rychtujecca syhrać svaje pieśni ŭ novych aranžyroŭkach. Ad siabie Valeryja abiacaje nia tolki supervakalizy, ale i tancy. Andruś ličyć, što samym hałoŭnym budzie atanalnaje soła na domry, a ŭsie astatnija muzyki źbirajucca zładzić miž saboj instrumentalnyja spabornictvy: klarnet vs vałtorna, bas vs udarnyja, hitara vs truba.
Hurt «Addis Abieba» debiutavaŭ na «Tuzinie Hitoŭ» u krasaviku 2007 hodu ź nia nadta ŭłaścivaj dla ŭłasnaj tvorčaści pieśni «Kachanaja». U toj čas lider kamandy Dzima Ivanoŭ užo nastała pierabraŭsia z rodnaha Homielu ŭ Miensk, dzie «Abieba» vielmi chutka dasiahnuła statusu lepšaj rehi-kamandy Biełarusi. Na svaim vystupie na «Tuzin. Unplugged» hurt vykanaje nietypovuju prahramu, jakaja budzie składacca pieravažnym čynam z novych piesień. «My vyrašyli pakazać na hetym kancercie tvory, jakija dahetul jašče nia hrali. Uzdymiem taksama pieśni, jakija daŭno nie vykonvali, jak, naprykład „Dzieci“. Vyjdziem poŭnym składam, chiba što bubnača pasadzim za perkusiju», — abiacaje Dzima Ivanoŭ.
Padčas vystupaŭ hledačy zmohuć zadać pytańni muzykam. Vieści imprezu pa tradycyi budzie Aleh Chamienka, muzykant i niaźmienny viadučy radyjoversii hit-paradu «Tuzin Hitoŭ». Da ŭsiaho, naviedniki kancertu majuć šaniec atrymać pryzy ad siabroŭ «Tuzina Hitoŭ» — kampanii «Budźma biełarusami».
Kancert pačniecca ŭ 19:00 29 sakavika (čaćvier) u mienskim klubie «Hrafici» (zav. Kalinina, 16).
Košt kvitka — 60 000 rub. Nabyć kvitki možna ŭ klubie zahadzia z 18:00 da 22:00.
Infalinija: (029) 638-44-44, (033) 638-44-44, skype, google: Diskoteq, ICQ: 531-07-353.
Kamientary