Z pačatku hoda ŭ bankaŭskaj sistemie Biełarusi padraździaleńniami pa baraćbie z ekanamičnymi złačynstvami Ministerstva ŭnutranych spraŭ vyjaŭleny 30 złačynstvaŭ. Adnak, jak zaznačajuć u HUBEZ MUS, havaryć pra toje, što heta ličba poŭnaściu adlustroŭvaje kryminalnuju karcinu haliny, nie davodzicca.
«Tych, chto parušyŭ zakon, namnoha bolš.
Prosta banki pamiž reputacyjaj (navat canoj strataŭ) i pakarańniem vinavatych vybirajuć pieršaje, sami stvarajučy ŭsie pieradumovy dla ŭčynieńnia złačynstvaŭ. Pry takim padychodzie pierałamać hetu situacyju, kali ludzi niezakonna atrymlivajuć kredyty, navat nie dumajučy ich viartać, a bankaŭskija rabotniki prydumvajuć novyja sposaby prysvojvać čužoje, niemahčyma.Miž tym jość kankretnyja siehmienty bankaŭskaj śfiery, dzie ŭčynieńnia złačynstvaŭ možna paźbiehnuć, viadoma, kali karać za ŭčynienaje», — havorycca ŭ paviedamleńni hałoŭnaha ŭpraŭleńnia pa baraćbie z ekanamičnymi złačynstvami MUS.
Samym uraźlivym u milicyi nazyvajuć siehmient kredytavańnia, u jakim dola pravaparušeńniaŭ u 2011 hodzie skłała 90% ad ahulnaj kolkaści. Pryčynami farmiravańnia niehatyŭnaj dynamiki, pavodle infarmacyi HUBEZ MUS, źjaŭlajucca jak pavieličeńnie abjomaŭ kredytavańnia, tak i spraščeńnie pracedury vydačy kredytaŭ u častcy vyvučeńnia słužbami bankaŭ «nadziejnaści» klijentaŭ.
«Niesumlennyja kredytaatrymalniki časta mohuć biez asablivych namahańniaŭ atrymać u banku hrošy, padaŭšy nieadpaviednyja sapraŭdnaści dakumienty,— raskazvaje staršy opierupaŭnavažany pa asabliva važnych spravach HUBEZ MUS Śviatasłaŭ Miaškoŭ. — Padčas razboraŭ pa prablemnych kredytach rabotniki słužbaŭ biaśpieki i jurysty bankaŭ niaredka manipulujuć mahčymaściu nakiroŭvańnia ŭ orhany kryminalnaha pieraśledu materyjałaŭ u dačynieńni da asob, jakija vykarystali, da prykładu, lipavyja daviedki ab miescy pracy i svaich dachodach, schilajučy apošnich da vypłaty doŭhu. A ŭ vypadku pahašeńnia kredytu, dajecca zadni chod i materyjały ab supraćpraŭnych dziejańniach kredytaatrymalnika nikudy nie adpraŭlajucca. Tym samym złačynstvy ŭtojvajucca na ŭzroŭni bankaŭ».
Jašče bolš łatentnaj, jak paviedamlajuć u MUS, źjaŭlajecca katehoryja kryminalna-karanych dziejańniaŭ, što ŭčyniajucca niepasredna rabotnikami bankaŭ. Siarod ich — kradziažy, chabarnictva, słužbovyja padłohi, złoŭžyvańni słužbovymi paŭnamoctvami i ich pieravyšeńnie. Vyjaŭleny navat vypadki falšyvamaniectva z boku bankaŭskich rabotnikaŭ. U 2011 hodzie zarehistravana 59 takich złačynstvaŭ, sioleta — 14. «Jakaja ich sapraŭdnaja kolkaść i nakolki prazrystaja i nadziejnaja ŭsia bankaŭskaja sistema, naŭrad ci ŭjaŭlajecca mahčymym vyśvietlić. Banki ž addajuć pieravahu stvareńniu mifaŭ, a nie vyrašeńniu prablemy, jakaja raście, jak śniežny kamiak, «, — havorycca ŭ paviedamleńni HUBEZ MUS.
Ciapier čytajuć
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika2
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5656
Kamientary