Nijaki źmiastoŭny dyjałoh z uładami Biełarusi niemahčymy, pakul nie buduć vyzvalenyja i adnoŭlenyja ŭ svaich pravach usie palityčnyja źniavolenyja. Ab hetym zajaviła BiełaPAN kiraŭnik pradstaŭnictva ES Majra Mora, kamientujučy vykazvańni Alaksandra Łukašenki, jaki abvinavaciŭ Zachad i apazicyju ŭ zryvie dyjałohu z uładami.
«Paśla mier dziela zdušeńnia hramadzianskaj supolnaści, palityčnaj apazicyi i niezaležnych ŚMI, jakija adbylisia paśla prezidenckich vybaraŭ 2010 hoda, ES nie zastavałasia ničoha inšaha, jak prytrymlivacca žorstkaj pazicyi, — skazała Mora. — Zastajučysia prychilnikam palityki krytyčnaha ŭzajemadziejańnia, u tym liku praz dyjałoh i Ŭschodniaje partniorstva, Rada zamiežnych spravaŭ 31 studzienia 2011 hoda vyrašyła adnavić abmiežavalnyja miery ŭ dačynieńni da Biełarusi. Adnačasova ES uzmacniŭ svajo ŭzajemadziejańnie ź biełaruskim narodam i hramadzianskaj supolnaściu praz umacavańnie padtrymki hramadzianskaj supolnaści i achviar represij».
«Jeŭrasajuz prapanavaŭ Biełarusi pačać pieramovy ab spraščeńni vizavaha režymu i readmisii i pačaŭ dyjałoh ź biełaruskim hramadstvam ab madernizacyi. Adnak nijaki źmiastoŭny dyjałoh z uładami niemahčymy, pakul nie buduć vyzvalenyja i adnoŭlenyja ŭ svaich pravach ŭsie palityčnyja źniavolenyja, jakija zastalisia. ES hatovy palapšać i pahłyblać svaje adnosiny ź Biełaruśsiu. Dla ES Biełaruś — važny susied, nieadjemnaja častka jeŭrapiejskaj spadčyny i jeŭrapiejskaj supolnaści nacyj. Dla Biełarusi ES — adzin z asnoŭnych handlovych partnioraŭ i važny partnior u halinovym i rehijanalnym razvćci. ES
Vystupajučy 8 maja z pasłańniem narodu i parłamienta, Łukašenka skazaŭ, što apazicyja nie skarystałasia «šyrokimi mahčymaściami», jakija byli dadzienyja joj na prezidenckich vybarach 2010 hoda. Jon taksama abvinavaciŭ Zachad i «piatuju kałonu» ŭ zryvie hramadskaha dyjałohu z uładaj.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary