ab persanalnaj adkaznaści za kožny vypadak adličeńnia studentaŭ‑.
Siońnia pradstaŭniki ruchu «Za Svabodu» dašluć listy rektaram amal 30 biełaruskich universytetaŭ z papiaredžańniem ab persanalnaj adkaznaści za kožny vypadak adličeńnia studentaŭ‑udzielnikaŭ apazycyjnych vuličnych akcyjaŭ. Letaś pavodle palityčnych matyvaŭ z vučoby adličyli bolš za 300 čałaviek.
Rektary mienskich VNU atrymajuć listy siońnia. U navučalnyja ŭstanovy, jakija znachodziacca ŭ abłasnych haradach, listy pryjduć zaŭtra, 22 sakavika.
Napiaredadni majučych adbycca viasnovych akcyj apazycyi, aŭtary listoŭ davodziać da viedama rektaraŭ, što jany buduć nieści asabistuju adkaznaść u vypadku adličeńnia studentaŭ za ŭdzieł u mirnych akcyjach.
Aktyvistka ruchu «Za Svabodu» Alena Tankačova paviedamiła «Svabodzie»:
«Ruch «Za Svabodu» razhladaje adličeńnie studentaŭ, jakija buduć pakaranyja sudom, pieraśledam za inšadumstva. Rektaram paviedamlajecca, što jany niasuć persanalnuju adkaznaść za represii. U dadzieny momant viadziecca manitorynh vypadkaŭ adličeńnia studentaŭ z VNU. Heta sproba davieści da viedama rektaraŭ, što hramadzkaści stanuć viadomyja ŭsie hetyja fakty. Pavodle mižnarodnaha prava, heta jość nia tolki pieraśledam za inšadumstva, ale j parušeńniem akademičnych svabodaŭ».
Pavodle dadzienych hrupy hramadzianskaha nazirańnia ruchu «Za Svabodu», za ŭdzieł u vuličnych akcyjach apazycyi letaś z vučoby adličyli bolš za try sotni studentaŭ. Bolšaść studentaŭ vyklučyli z VNU, jakija znachodziacca ŭ Miensku – BDU, Pedahahičnaha ŭniversytetu imia M.Tanka, z Universytetu infarmatyki i radyjoelektroniki, BNTU, ekanamičnaha, technalahičnaha i ahrarna‑techničnaha ŭniversytetaŭ, a taksama z Akademii muzyki.
U takich umovach stychijna stvaryŭsia Kamitet dapamohi palitrepresavanym i ich siemjam. Havoryć staršynia kamitetu Ina Kulej:
«Kamitet dapamohi palitrepresavanym «Salidarnaść» padličvaŭ usie hetyja vypadki, jakija adbyvalisia sa studentami letaś paśla viasnovych padziejaŭ. Razam ź inšymi pravaabaroncami my pilna sočym za tym, što adbyvajecca ŭ akademičnym asiarodździ. Studenty vymušanyja byli pakidać krainu i vučycca ŭ zamiežžy. Jany nie chacieli hetaha, ale byli prymušanyja. My chočam, kab heta nie paŭtaryłasia».
Ciaham dvuch apošnich tydniaŭ niekatorych aktyvistaŭ niezarehistravanaj arhanizacyi «Małady front» vyklikali da dekanaŭ i tam uručali im pozvy na dopyty. Ale ŭdzieł u niezarehistravanaj arhanizacyi pakul nia mieŭ dla ich nehatyŭnych nastupstvaŭ na vučobie.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać1
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary