Novy šerah preventyŭnych zatrymańniaŭ pierad Dniom Voli. Pravaabaroncy miarkujuć, što heta dakładnaja prykmieta, što ŭ sam dzień 25-ha, jak heta byvała raniej, u prysutnaści telekameraŭ i dyplamataŭ, manifestacyja projdzie biez pravakacyj. Ułady zacikaŭlenyja tolki ŭ tym, kab na šeście vyjšła jak najmienš ludziej.
Cupracoŭniki milicyi Pieršamajskaha rajonu Miensku zatrymali aktyvistaŭ niezarehistravanaj arhanizacyi «Małady front» Sieržuka Huminskaha, Kasiu Halickuju, niepaŭnaletniuju Nastu Pałažanku i jašče dvuch čałaviek, proźviščy jakich vyśviatlajucca.
Jak stała viadoma ŭsich zatrymanych, akramia Halickaj vyzvalili.
Zatrymany siabra moładzievaha kryła BNF Siaržuk Karpovič, jakoha źvinavacili ŭ drobnym chulihanstvie. Zaraz jon znachodzicca ŭ Kastryčnickim RUUSie. Na piać sutak asudžany Alaksiej Šydłoŭski, na troje sutak - Ludmiła Atakułava.
Jak raskazvaje moładź, milicyjanty majuć zadaču skanfiskavać ściahi i transparanty "Maładoha frontu", ale pakul im heta nie ŭdałosia.
Usiaho za apošnija sutki zatrymana kala tryccaci čałaviek. Siarod ich Viačasłaŭ Siŭčyk: jaho zatrymali a 19.00 u subotu na vulicy Zacharava. Pavodle infarmacyi jahonaj advakatki, jaho vinavaciać u arhanizacyi masavych biesparadkaŭ.
Pa ŭsioj krainy adbylisia preventyŭnyja zatrymańni aktyvistaŭ, pavodle źvinavačvańniaŭ u drobnym chulihanstvie. Na dumku pravaabaroncaŭ, heta robicca ŭ metach zapałochvańnia. Jany miarkujuć, što heta dakładnaja prykmieta, što ŭ sam dzień 25-ha, jak heta byvała raniej, u prysutnaści telekameraŭ i dyplamataŭ, manifestacyja projdzie biez pravakacyj.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć11
Kamientary