U Homieli rasśledavana kryminalnaja sprava za nieakazańnie dapamohi chvoramu
Sprava na padstavie č. 1 art. 161 Kryminalnaha kodeksa (nieakazańnie dapamohi chvoramu biez uvažlivych pryčyn asobaj, jakaja zajmajecca miedycynskaj praktykaj) rasśledavana prakuraturaj Navabielickaha rajona Homiela.
Jak paviedamiŭ prakuror Navabielickaha rajona Raman Valetaŭ, sprava była raspačata ŭ dačynieńni da miedycynskaj siastry, jakaja pracuje ŭ siaredniaj škole.
14 śniežnia 2011 hoda na školnaj placoŭcy pabilisia padletki, u vyniku čaho adnamu z vučniaŭ złamali nos.Dzieci pabiehli razam z paciarpiełym u školny miedpunkt i ŭbačyli, što miedsiastra vychodzić z kabinieta. «Mabyć, jana sychodziła z pracy. Kali dzieci paprasili akazać dapamohu ich traŭmavanamu tavaryšu, miedsiastra admoviłasia, adkazaŭšy: „Niama čaho było bicca“, i pajšła», — skazaŭ prakuror.
U vyniku padletka zabrała chutkaja, i dapamoha była akazana ŭ balnicy.
Pravierku incydentu — bojki — pravodziŭ adździeł Śledčaha kamiteta. 7 maja 2012 hoda prakuror Navabielickaha rajona svajoj pastanovaj raspačaŭ kryminalnuju spravu. Valetaŭ padkreśliŭ, što za 2011–2012 hady kryminalnyja spravy na padstavie takoha artykuła ŭ Biełarusi nie raspačynalisia.
Miedsiastra poŭnaściu pryznała svaju vinu, ale ŭ suviazi z zakonam «Ab amnistyi» jana, jak piensijanier i jak paciarpiełaja ŭ vyniku avaryi na ČAES, była vyzvalena ad kryminalnaj adkaznaści. Sprava spyniena.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary