Cikava, što na Illu navalnicy nie budzie.
U Biełarusi ŭ pieršych datach žniŭnia čakajecca haračaje nadvorje, paviedamili ŭ Respublikanskim hidramieteacentry.
U sieradu, 1 žniŭnia, umovy nadvorja ŭ Biełarusi ŭ asnoŭnym budzie farmiravać vobłaść pavyšanaha atmaśfiernaha cisku, na ŭschodzie vyjavicca ŭpłyŭ małaruchomaha frantalnaha raździełu. Tamu pieravažna pa ŭschodniaj pałavinie krainy čakajucca karotkačasovyja daždžy, navalnicy, miescami mocnyja liŭni i škvalistaje ŭzmacnieńnie vietru. Nočču i ranicaj pa zachadzie ŭ asobnych rajonach tuman. Tempieratura pavietra ŭnačy budzie ad plus 11 pa paŭnočnym zachadzie da plus 19 pa paŭdniovym uschodzie krainy,
udzień -- 22--28 hradusaŭ. Pa poŭdni Bresckaj i Homielskaj abłaściej pavietra prahrejecca da 30-31 hradusa.
U čaćvier u poli pavyšanaha atmaśfiernaha cisku istotnych apadkaŭ nie prahnazujecca. Viecier niaŭstojlivy słaby. Tempieratura pavietra ŭnačy budzie plus 11-18 hradusaŭ, udzień - 24-30, pa poŭdni krainy da 32 hradusaŭ ciapła.
U piatnicu ŭ Biełaruś pačnuć pastupać niaŭstojlivyja vielmi ciopłyja pavietranyja masy trapičnaha pachodžańnia. Znoŭ ustanovicca haračaje nadvorje:unačy termomietry pakažuć 13-20 hradusaŭ, udzień pavietra prahrejecca da 27-34. Nočču prahnazujecca pieravažna biez apadkaŭ, a dniom miescami projduć karotkija navalničnyja daždžy. Viecier uschodniaj čverci ŭmierany, pry navalnicach paryvisty.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary