U paraŭnańni z parłamienckimi vybarami 2008 hoda vybary ŭ pałatu pradstaŭnikoŭ nacyjanalnaha schodu piataha sklikańnia pakul prachodziać davoli viała. Takoje mierkavańnie ŭ efiry telekanała «Biełaruś 1» vykazała staršynia Centralnaj kamisii Biełarusi pa vybarach i praviadzieńniu respublikanskich refierendumaŭ Lidzija Jarmošyna.
Jak adznačyła staršynia CVK, u 2008 hodzie padrychtoŭka da parłamienckich vybaraŭ taksama prachodziła letam. Adnak da takoha ž času patencyjalnych kandydataŭ u deputaty było bolš. «Tady my mahli havaryć ab patencyjnym konkursie čatyry čałavieki na miesca, ciapier my havorym tolki ab troch», — kanstatavała kiraŭnik Centrvybarkama.
Akramia taho, pavodle słoŭ Lidzii Jarmošynaj, u čas hetaj vybarčaj kampanii pavialičyłasia kolkaść akruh, u jakich vybary mohuć prajści na biezalternatyŭnaj asnovie.
Ciapier ich 18, a na minułych parłamienckich vybarach było 16. «Adnak napieradzie jašče ceły tydzień, i palityčnyja partyi i pracoŭnyja kalektyvy całkam mahčyma vypraviać heta stanovišča. Pakul ža ŭ vybarčyja kamisii pastupiła tolki 13 kamplektaŭ dakumientaŭ», — skazała kiraŭnik Centrvybarkama.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada16
Kamientary