Viazień Płoščy Vasil Parfiankoŭ, vyzvaleny ŭ žniŭni 2011-ha, znoŭ adpraŭleny za kraty.
Siońnia a 7.50 ranicy Vasil Parfiankoŭ paśpieŭ patelefanavać svajoj znajomaj Volzie i paviedamić, što pa jaho pryjšła milicyja, kab etapavać u aryštny dom.
Vasil taksama vykazaŭ mierkavańnie, što siońnia ciaham dnia jon budzie čakać etapu ŭ RUUS Pieršamajskaha rajona Minska. Paźniej u jaho adabrali mabilny telefon i paviali.
***
24 lipienia Minski haradski sud nie zadavoliŭ kasacyjnuju skarhu Parfiankova na prysud ab aryšcie na 6 miesiacaŭ za nievykanańnie umovaŭ previentyŭnaha nahladu, ustanoŭlenaha sudom.
29 traŭnia Vasil Parfiankoŭ byŭ asudžany pavodle artykuła 421 Kryminalnaha kodeksa Respubliki Biełaruś sudździoj Pieršamajskaha rajona Minska Siarhiejem Bandarenkam. Previentyŭny nahlad terminam na adzin hod, u parušeńni jakoha pryznany vinavatym były palitviazień, byŭ ustanoŭleny za im z 5 studzienia 2012 hoda. Padstavaj dla hetaha staŭ ŭdzieł Parfiankova ŭ hramadska-palityčnym žyćci paśla taho, jak jon u liku inšych viaźniaŭ Płoščy-2010 byŭ vyzvaleny ŭ žniŭni 2011 hoda ŭ adpaviednaści z ukazam ab pamiłavańni.
Kamientary