Abajalnaja vakalistka hurta «Indiga», rok-kniazioŭna i seks-symbal žanočaj alternatyvy Rusia nia tak daŭno źniałasia ŭ novym fotaprajekcie staličnaha časopisa «RiO» aholenaj.
Abajalnaja vakalistka hurta «Indiga», rok-kniazioŭna i seks-symbal žanočaj alternatyvy Rusia nia tak daŭno źniałasia ŭ novym fotaprajekcie staličnaha časopisa «RiO» aholenaj. Svaim «partneram» pa zdymkach Rusia abrała sapranavy klarnet. Pracoŭnaja nazva seryi svavolnych fotazdymkaŭ biełaruskich muzykaŭ z muzyčnymi instrumentami maje pracoŭny nazoŭ «Ludzi i rečy» — pra heta «Tuzinu Hitoŭ» raspaviała aŭtar idei Valancina Askierka. Adčuvańniem rapranutaści pierad kameraj dzielicca sama Rusia, i abiacaje sapraŭdnuju bombu ščyraści eratyčnych pieražyvańniaŭ u jakaści ekskluzyvu!
«Aholenaje cieła — heta pryhoža! — kaža Rusia. — Tym bolš, hety fotazdymak nie vyklikaje niejkich eratyčnych pieražyvańniaŭ. Kali b fotasesija była bolš… avanturnaj, ja b, napeŭna, jašče vahałasia, pierš, čym raspranacca pierad kameraj».
Pieršyja fota seryi «Ludzi i rečy» čytačy «RiO» pabačać u travieńskim numary. Akramia Rusi, u prajekcie ŭziali ŭdzieł muzykant i žurnalist Maks Ivašyn i Vital Abramovič z «Neuro Dubel». «Sens hetaha prajektu ŭ tym, — raspaviadaje jaho aŭtar Valancina Askierka, — što roznyja ludzi samastojna abirajuć rečy, a ŭ dadzienym vypadku, instrumenty, ź jakimi jany siabie asacyjujuć, i ź jakimi jany chočuć być u fokusie kamery».
Tak, Rusia abrała sapranavy klarnet. «Liču jaho samym pryhožym, vykštałconym, kranalnym i seksualnym muzyčnym instrumantam!» — tłumačyć jana ŭłasny vybar. Valancina Askierka pryadkryła «Tuzinu» sakret, što Maks Ivašyn abraŭ rajal, bo z hetym instrumentam jon adčuvaje asablivuju suviaź: maci Maksa zdavała ispyty na rajali ŭ kanservatoryi, kali jašče čakała jaho naradžeńnia.
Rusia nazyvaje hetuju fotasesiju zvyčajnym svavolstvam — ničoha bolš. «Vynik całkam pradkazalny, — raspaviadaje jana, — vy hladzicie na fatazdymak, i bačycie dziaŭčynu, jakaja naŭprost ściahnuła ź siabie cišotku. Anijakaj žarści albo seksualnaj feminnaści vy tam nia znojdziecie. Heta budzie paźniej! Ja ŭžo maju damovu na ekskluzyŭnuju fotasesiju ź Vietram Mechaničnym!» Rusia abiacaje padkinuć sapraŭdnuju bombu ščyraści eratyčnych pieražyvańniaŭ i žanočaj čullivaści! Sačycie za navinami na «Tuzinie» i Rusinym fen-sajcie.
Fota Valer Citoŭ
Kamientary