Абаяльная вакалістка гурта «Indiga», рок-князёўна і сэкс-сымбаль жаночай альтэрнатывы Руся ня так даўно знялася ў новым фотапраекце сталічнага часопіса «РіО» аголенай.
Абаяльная вакалістка гурта «Indiga», рок-князёўна і сэкс-сымбаль жаночай альтэрнатывы Руся ня так даўно знялася ў новым фотапраекце сталічнага часопіса «РіО» аголенай. Сваім «партнэрам» па здымках Руся абрала сапранавы клярнэт. Працоўная назва сэрыі свавольных фотаздымкаў беларускіх музыкаў з музычнымі інструмэнтамі мае працоўны назоў «Людзі і рэчы» — пра гэта «Тузіну Гітоў» распавяла аўтар ідэі Валянціна Аскерка. Адчуваньнем рапранутасьці перад камэрай дзеліцца сама Руся, і абяцае сапраўдную бомбу шчырасьці эратычных перажываньняў у якасьці эксклюзыву!
«Аголенае цела — гэта прыгожа! — кажа Руся. — Тым больш, гэты фотаздымак не выклікае нейкіх эратычных перажываньняў. Калі б фотасэсія была больш… авантурнай, я б, напэўна, яшчэ вагалася, перш, чым распранацца перад камэрай».
Першыя фота сэрыі «Людзі і рэчы» чытачы «РіО» пабачаць у травеньскім нумары. Акрамя Русі, у праекце ўзялі ўдзел музыкант і журналіст Макс Івашын і Віталь Абрамовіч з «Neuro Dubel». «Сэнс гэтага праекту ў тым, — распавядае яго аўтар Валянціна Аскерка, — што розныя людзі самастойна абіраюць рэчы, а ў дадзеным выпадку, інструмэнты, зь якімі яны сябе асацыююць, і зь якімі яны хочуць быць у фокусе камэры».
Так, Руся абрала сапранавы клярнэт. «Лічу яго самым прыгожым, выкшталцоным, кранальным і сэксуальным музычным інструмантам!» — тлумачыць яна ўласны выбар. Валянціна Аскерка прыадкрыла «Тузіну» сакрэт, што Макс Івашын абраў раяль, бо з гэтым інструмэнтам ён адчувае асаблівую сувязь: маці Макса здавала іспыты на раялі ў кансэрваторыі, калі яшчэ чакала яго нараджэньня.
Руся называе гэтую фотасэсію звычайным свавольствам — нічога больш. «Вынік цалкам прадказальны, — распавядае яна, — вы глядзіце на фатаздымак, і бачыце дзяўчыну, якая наўпрост сцягнула зь сябе цішотку. Аніякай жарсьці альбо сэксуальнай фэміннасьці вы там ня знойдзеце. Гэта будзе пазьней! Я ўжо маю дамову на эксклюзыўную фотасэсію зь Ветрам Мэханічным!» Руся абяцае падкінуць сапраўдную бомбу шчырасьці эратычных перажываньняў і жаночай чульлівасьці! Сачыце за навінамі на «Тузіне» і Русіным фэн-сайце.
Фота Валер Цітоў
Цяпер чытаюць
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары