Dubl Radzivonava.
93+
Izrailcianie ŭnahłuju zryvajuć pierśpiektyŭny vychad BATE. Eljad Habaj atrymlivaje kartku, ale niečaha niebiaśpiečnaha vycisnuć nie atrymlivajecca. Finalny śvistok.
2:0 dobry lik, ale pryznacca ščyra, mahło być jašče lepš. Pierad vyjezdam u Izrail možna adčuvać siabie bolš-mienš upeŭniena.
90-aja
Čatyry chviliny dadaje arbitr.
85-aja
Vasiluk bje vyšej. Jašče adzin šaniec zrabić lik bujnym.
81-aja
Jaki viarniak tolki što zaparoli barysaŭcy. Tolki i zastajecca, što chapacca za hałavu. Nie zmahli vyznačycca, chto budzie bić. A jaki byŭ šaniec pajechać na Blizki Uschod z zvyškamfortnaj pieravahaj.
Apošniaja zamiena ŭ BATE zamiest Bresana vyjšaŭ Sivakoŭ.
78-aja
2:0!!! Nu dziakuj Bohu!!! Vital Radzivonaŭ afarmlaje dubl. Šedeŭralnuju pieradaču jamu addaŭ Alaksandr Vaładźko. Miač ad štanhi cichieńka zalacieŭ u varoty.
77-aja
Renan Bresan atrymaŭ «harčyčnik». Niejkaja hulnia stała biazhłuzdaj. Mo časova.
73-aja
Impazantny balelščyk na paŭstadyjona prosić svajho kalehu bolš nie dudzieć. Słovy sustrakajuć apładysmientami nie mienšymi, čym za finty Hleba.
U «Chapaela» tym časam treciaja zamiena. U BATE zastałasia jašče adna.
70-aja
Nu voś i dahulalisia da čyrvonaj kartki hości, nie zdarma ja papiaredžvaŭ u pieršym tajmie, što treba ličyć papiaredžańni. Pole pakinuŭ sierb Dušan Matavič. Nu, moža, ciapier trochu paojahčaje.
68-aja
Da Harbunova pretenzij siońnia niama nijakich. Ździŭlaje, što Hieorhij Kandraćjeŭ na bramnika ŭvahi nie źviartaje, a vyklikaje ŭ zbornuju dublora Hutara. Zrešty, Kandraćjevu lepš bačna.
65-aja
Tryvožna niejak stanovicca. «Chapael» śmialej idzie napierad. Zarablajuć pierśpiektyŭny štrafny ŭdar. Praŭda, bjuć vyšej varot.
62-aja
Adrazu dvajnuju zamienu robić Viktar Hančarenka. Pole pakinuli Dźmitryj Lichtarovič i Dźmitryj Mazaleŭski, źjavilisia Alaksandr Paŭłaŭ i Raman Vasiluk.
60-aja
Nakalajuć situacyju izrailcianie, biełarusy ŭsio bolej cisnuć da svaich varot. U haściej uźnikajuć momanty, ale hta dazvalaje BATE hulać na kontratakach. Mazaleŭski vybiahaŭ na varoty, ale ŭdaryć nie zmoh. Pryjšoŭ čas Vasiluka?
58-aja
Temp hulni nie taki ŭžo viasioły, jak u pieršym tajmie. BATE razumieje, što prapuskać doma nielha ni ŭ jakim vypadku. Chovard Ueb usio mieniej pačynaje padabacca barysaŭskaj tarsidzie.
53-aja
Chovard Ueb nie reahuje na zapeŭnivańnie barysaŭcaŭ i trybun, što paśla ŭdara haspadaroŭ miač trapiŭ u ruku abaroncy. Niama pienalci, a voś Mazaleŭskamu baluča.
Izrailcy praviali pieršuju zamienu. Zamiest Bien Vachaby na poli źjaviŭsia Achmied Abied.
50-aja
Pačatak druhich tajmaŭ dla BATE byŭ samym składanym pieryjadam u hulniach doma z «Vardaram» i «Debrecenam». Spadziajomsia, Hančarenka znajšoŭ supraćjadździe hetaha biaśsilla.
46-aja
Pahnali! Druhi tajm. Zdajecca, pakul biez zamien. A na zamienie ŭ našych Hutar (bramnik), Jurevič, Kancavy, Paŭłaŭ, Alachnovič, Sivakoŭ, Vasiluk.
47+
Pierapynak.
45-aja
Niešta pierad śvistkom na pierapynak hości aktyvizavalisia. Našamu kipieru jašče raz pryjšłosia ŭstupić u hulniu.
Hleb panična baicca bić pa varotach šukaje, zručnuju nahu, pakul pierabiraje, abaroncy paśpiavajuć niebiaśpieku niejtralizavać. A ŭ abarotcy ŭžo toj Abichazira znoŭ prabačaje našych. U pierapynku treba supakoicca našym.
43-aja
Za atakaj barysaŭcy časam zabyvajucca na abaronu. Pravał u zadniaj linii našaj kamandy moh realizoŭvać Šyman Abichazira. Harbunovu ŭsio ž farcić u novaj formie:) Brava!
40-aja
Sam nie pavieryŭ u svajo ščaście Mazaleŭski. Dzima vyskačyŭ pierad Amosam jak Pilip z kanapiel, zabivaj nie chaču. Chacia bramnik supiernikaŭ chłopiec kłasny, ciahnie vielmi šmat. «Chapaelu» pašancavała z vartaŭnikom varot.
38-aja
Nie chočacca pakul zabiahać napierad, ale vyhladaje, što siońniašni matč BATE najlepšy ŭ hetym siezonie. Tatalny kantrol miača, šmat vostrych momantaŭ. Tolki voś adzin miač niejak siratliva vyhladaje ŭ varotach «Chapaela», treba druhi zabivać.
35-aja
Ravil Hazal atrymaŭ žoŭtuju kartku. Ličym, raptam dojdzie da vydaleńnia. Hleb tym časam prastrelvaŭ u štrafnuju, ale zamykać nie było kamu. Prydušyŭ BATE supiernika. Vielmi salidna vyhladaje.
Źbiŭsia ź liku nie tolki vuhłavych, ale i niebiaśpiečnych momantaŭ. Hleb i Bresan — heta niešta vielmi vybuchovaniebiaśpiečnaje.
30-ja
Hoooooł!!! Apynułasia, što papiaredniaja sproba była ŭsiaho tolki prystrełkaj. Užo ŭ nastupnaj atacy Vital Radzivonaŭ nie pramazaŭ. Cudoŭna pryniaŭ miač u štrfanoj,
29-aja
A voś u Radzivonava hałavoj chutčej atrymaŭsia svojesablivy tyčok, a nie asensavany ŭdar. Dla varatara heta siemiečki.
26-ja
Hulnia nie daje rassłabicca ni na chvilinu. Hledačy heta aceńvajuć pa spravie. Darečy, ich užo moža tysiač 18–20.
Tym časam Dušan Matavič atrymlivaje papiaredžańnie. Ciapier užo hruba hulajuć suprać Hleba.
23-ja
Čarhovaja niebiaśpieka prychodzić da varotaŭ «Chapaela» z pravaha fłanha. Znoŭ pradzirajecca Vital Radzivonaŭ, vykładvaje pas na Bresan. I naš braziłabiełarus traplaje ŭ štanhu samy vostry momant.
Možna zabłytacca ŭ kolkaści vuhłavych, što padaje BATE. Praŭda, jany nie vielmi niebiaśpiečnyja.
Tym časam Hleb atrymlivaje kartku za zryŭ ataki, zvyčajna na im zryvajuć.
18-aja
Harbunovu davodzicca ŭstupić u hulniu paśla dalokaha ŭdara vienhra Łasła Lenče.
Bardačoŭ, zdavałasia, momant užo straciŭ, ale zmoh prabić pa varotach — Amos na miescy.
15-ja
Jakija ž siońnia razumnyja pieradačy robiać barysaŭcy. Kožnaja idzie na abvastreńnie. Ale tonkaje, kab parvałasia znajści ŭ izrailcian nie mohuć.
Voś i pieršy momant stvaryli izrailcianie. Na ščaście, vyšej varot.
11-aja
Amos łović kuraž. Treba jamu ŭsio ž zabić pachutčej i nie davać adčuć upeŭnienaść jašče bolej. Vyciahnuŭ udar hałavoj paśla štrafnoha. Praŭda, i łajsmien afsajd zapaliŭ. Šyroka hulaje BATE, pryhoža.
7-aja
Hleb svaimi fintami zryvaje hladackija avacyi. Trybuny aktyŭnyja.
5-aja
BATE stvaryŭ užo dva vostrych momanty. Spačatku paśla ŭdaru Vaładźko Daniel Amos vyciahnuŭ miač na vuhłavy. A ŭ nastupnaj atacy Hleb moh bić sam, ale skaciŭ na Lichtaroviča. Udar u kapitana byŭ mocny, ale pa centry varot. Viasioleńki futbolčyk.
3-aja
Harbunoŭ zdradziŭ sabie i vyjšaŭ na hulniu nie ŭ štanach, a davoli hłamurnym kaściumčyku. Mo choča novuju «suchuju» sieryju ŭ im pačać.
Radzivonaŭ dvojčy prachodziŭ pa pravym fłanzie. Adzin raz abaronca, druhi — vuhłavy.
1-aja chvilina
Pahnali! Futbalisty sapraŭdy trochu źlivajucca, ci to zrok padvodzić.
21:40
A voś i kamandy. BATE budzie hulać u siniaj formie, «Chapael» — u čornaj. Adroźnivać kamandy praz takuju koleravuju hamu budzie nie tak i lohka.
Amal nie skazaŭ pra hałoŭnaje. A sudździ chto? Arbitr u nas siońnia ptuška važnaja. Anhličanin Chorvard Ueb. Toj samy, što sudziŭ finał apošniaha čempijanata śvietu. Udačy jamu.
21:37
Uklučyli himn BATE. Pad jaho na pole vychodziać chłopčyki, što buduć trymać simvał Lihi čempijonaŭ. Ułasna kažučy, praź niekalki chvilin pavinny ŭklučyć i hałoŭnuju pieśniu hetaha turniru. Čakajem na vychad kamand.
21:32
«Chapael» kamanda maładaja, zasnavanaja tolki ŭ 2000 hodzie. Sioleta jana ŭpieršyniu stała čempijonam Izraila. U pieršych raŭndach izrailcianie pieramahli čempijonaŭ Słavakii i Azierbajdžana, BATE — Makiedonii i Vienhryi. Kir'
Biełaruskija i izrailskija kłuby pierasiakalisia čatyry razy. Pieramožcami dvojčy vychodzili našy, dvojčy — supierniki. Cikava, što ŭsie supierniki byli z horada Chajfa. Ciapier voś pašyreńnie hieahrafičnych miežaŭ.
21:27
Hledačoŭ, moža, tysiač siem pakul. Ale da hulni zastajecca bolš za dvaccać chvilin, pavinny padciahnucca jašče. U asnoŭnym usie siadziać pa centry. Na hety raz nie było na zedlik tak lubimych pakietaŭ z vyjavaj BATE. Barysaŭskim zaŭziataram, što pryvykli da čyścini Haradskoha stadyjona, heta nie vielmi padabajecca.
Nadvorje matču vielmi navat spryjaje. Pierad hulnioj sprabavaŭ pajści doždžyk, ale tolki kryšku aśviažyŭ pole.
21:24
Dyktar stadyjona «Dynama» pavitaŭ hledačoŭ na biełaruskaj movie. Praŭda, składy kamand pačaŭ abviaščać užo
Źviartaje na siabie ŭvahu, što ŭ asnoŭnym składzie razam vyjšli Hleb i Bresan, raniej hetyja hulcy nie vychodzili na pole adnačasova. Što ž, budzie cikava.
***
Siońnia na minskim stadyjonie «Dynama» projdzie pieršy matč
Pačatak u 21:45. Cana kvitkoŭ — 20 000, 30 000, 50 000. Jany jašče jość u kasach.
Matč u adkaz projdzie 28 žniŭnia ŭ Izraili.
Pieramožca dvuboju vyjdzie ŭ hrupavy turnir Lihi čempijonaŭ, kamanda, što prajhraje budzie hulać u Lizie Jeŭropy. Heta piataja zapar futbolnaja vosień dla BATE. Dva razy barysaŭski kłub hulaŭ u hrupavym turniry ŁČ (2008, 2011), dva razy ŭ Lizie Jeŭropy.
Kamientary