Lecišča Mašerava budzie prynosić dva miljony štodnia

Na Vyhanaščanskim voziery pad Ivacevičami idzie rekanstrukcyja sialiby byłoha kiraŭnika BSSR. Zaplanavany prybytak ad turystaŭ, palaŭničych i rybałovaŭ moža skłaści štodnia zvyš za dva miljony rubloŭ.

Spaŭniajecca 60 hadoŭ, jak voziera było vyznačana filijałam Biełavieskaj puščy. A 30 hod tamu dla tahačasnaha pieršaha sakratara CK KPB Piatra Mašerava budaŭniki pačali la Vyhanaščanskaha składvać zrub lecišča. Architekturny plan asabniaka praduhledžvaŭ dzieviać pakojaŭ dla patrona i jahonaj prysłuhi. Šedeŭr draŭlanaha dojlidztva byŭ prychavany ŭ zacieni lesu.

Dryhva navokał nie pakidała šancaŭ praniknuć da budynku ni čałavieku, ni źvieru. U hetym miescy Piatro Mašeraŭ zachavaŭ aŭtentyčnaść pryrody, chacia tady paŭsiudna na Paleśsi ryli nieruš melijaratary.

RUŁP «Cielachany» vykarystaje na rekanstrukcyju 120 miljonaŭ rubloŭ. Draŭlany budynak, jaki ciapier źjaŭlajecca słužbovym i haspadarčym, pieraabstalujuć u miesca adpačynku turystaŭ, palaŭničych i rybałovaŭ.

Lecišča partyjnaha kiraŭnika musić pryciahvać u Biełaruś zamiežnych turystaŭ. Padličana, što kožny z 15 numaroŭ padvyšanaha kamfortu budzie kaštavać ad 70 dalaraŭ u sutki. Asobnaja płata — za prakat łodki, arhanizavanuju rybałku i jušku, palaŭničyja trafei, hulniu ŭ biljard, saunu, masaž i h.d. Zaplanavany hrašovy prybytak — zvyš dvuch miljonaŭ rubloŭ u sutki.

— Mažliva, biznes‑plan zbudziecca, — kaža kandydat bijalahičnych navuk Viktar Dziemiančyk. — Urešcie, pryrodny kompleks — nia linija Stalina, dzie zamiežnych turystaŭ pałochaje militaryzm Biełarusi. Vyhanaščanskaje voziera — jašče i miesca mižnarodnaj daśledčaj aktyŭnaści.

Surazmoŭca nahadvaje, što ŭ Pieršuju ŭsiaśvietnuju vajnu mienavita tut trymałasia linija frontu. Vojski nie mahli vajavać u bałocie. Supraćstajańnie doŭžyłasia z 1915 pa 1917 hady.

— U niamieckaj armii było niamała ludziej adukavanych, — havoryć Viktar Dziemiančyk, — bijolahaŭ i zaolahaŭ. U doŭhija miesiacy prastoju jany vyvučali pryrodu vakoł Vyhanaščanskaha voziera. Chto vyžyŭ, napisali pra svoj dośvied. Na siońnia adšukana bolš za 30 navukovych publikacyjaŭ pa hetych miaścinach.

Cikavaść da Vyhanaščanskaha voziera vyklikaje i znakamity kanał Michała Kazimira Ahinskaha — dziadźki viadomaha kampazytara Kleafasa Ahinskaha — aŭtara palaneza «Raźvitańnie z Radzimaj». Hietman Vialikaha kniastva Litoŭskaha ŭ peryjad 1767‑1783 hadoch fundavaŭ budaŭnictva sudnachodnaha kanała.

Halina Baravaja, «Prybužža», bulletinonline.org

• 0
• 0
• 0
• 0
• 0
• 0
• 0
• 0