8 vieraśnia na placoŭcy kala Nacyjanalnaj biblijateki Biełarusi prachodzić dziaviaty čempijanat pa kidańni mabilnych telefonaŭ.
Jak paviedamiła arhanizatar turniru Alena Laŭkievič, spabornictvy prachodziać u troch katehoryjach: kidańnie telefona na dalokaść, na dakładnaść i samy aryhinalny kidok. Uzrost i poł udzielnikaŭ nie abmiežavany. «Spabornictvy pa kidańni mabilnych telefonaŭ pravodziać u Biełarusi z 2003 hoda.
Hetym razam u nas rekordnaja kolkaść udzielnikaŭ: zarehistravałasia bolš jak 400 čałaviek», —adznačyła Laŭkievič.
Pavodle jaje słoŭ, padčas čempijanatu było ŭstanoŭlena dva novych rekordy ŭ kidańni telefona na dalokaść — rekord u 95 mietraŭ amal adrazu ž pabiŭ novy — u 99,6 mietra. Papiaredni rekord čempijanatu byŭ ustanoŭleny ŭ 2007 hodzie i składaŭ 94 mietry.
«Najbolš papularny taki čempijanat — u Finlandyi. Sioleta tam byŭ ustanoŭleny suśvietny rekord — 101 mietr.Naš rekord — 99 mietraŭ, tak što biełarusy na suśvietnym uzroŭni vyhladajuć vielmi hodna. Bolš za toje, kolkaść udzielnikaŭ čempijanatu ŭ Biełarusi bolšaja, čym u Finlandyi: u ich heta zvyčajna 50–60 čałaviek, a ŭ nas tolki ŭ dalokaści kidku spaborničali prykładna dźvieście čałaviek», — skazała Laŭkievič.
Kamientary