8 888: da stolkich čałaviek razhledžana pytańnie ab prymianieńni amnistyi
Pavodle źviestak na 10 vieraśnia razhledžana pytańnie prymianieńnia amnistyi ŭ dačynieńni da 8.888 asudžanych (usiaho traplaje pad amnistyju 14.938 čałaviek), jakija ŭtrymlivajucca ŭ miescach pazbaŭleńnia voli.Pra heta paviedamiła ŭpraŭleńnie infarmacyi i hramadskich suviaziaŭ MUS Biełarusi.
Načalnikami papraŭčych ustanoŭ zakrytaha typu vyniesieny pastanovy ab vyzvaleńni ad dalejšaha adbyvańnia pakarańnia 1.593 čałaviek.
Pryniata rašeńnie ab skaračeńni terminu pakarańnia na adzin hod u dačynieńni da 3.387 asudžanych. Admoŭlena ŭ prymianieńni amnistyi 3.908 asudžanym.
Akramia asob, jakija ŭtrymlivajucca pad vartaj, zakon ab amnistyi niekatorych katehoryj asob, što ŭčynili złačynstvy, ad 9 lipienia 2012 hoda raspaŭsiudžvajecca na asudžanych, da jakich prymieniena pakarańnie, nie źviazanaje z pazbaŭleńniem voli. Z takoj katehoryi pad amnistyju traplajuć bolš jak 8 tysiač čałaviek. Pa stanie na 31 žniŭnia 2.475 asudžanych vyzvaleny ad dalejšaha adbyvańnia pakarańnia, 896 termin skaročany na hod.
Zakon utrymlivaje pieralik asob, na jakich dziejańnie amnistyi nie raspaŭsiudžvajecca. Siarod inšych asudžanych, jakija ŭchilajucca ad adbyvańnia pakarańnia, abjaŭlenyja ŭ vyšuk, złosnyja parušalniki režymu, asoby, jakija nie kampiensavali ŭron, a taksama tyja, da kaho na praciahu 2005–2012 hadoŭ amnistyja abo pamiłavańnie ŭžo prymianialisia, ale jakija znoŭ učynili naŭmysnaje złačynstva ŭ pieryjad niaźniataj abo niepahašanaj sudzimaści.
Kamientary