Vałavy ŭnutrany pradukt u Biełarusi ŭ studzieni-sakaviku 2007 hoda ŭzros na 8,4% da ŭzroŭniu anałahičnaha letašniaha pieryjadu. Pra heta paviedamili BiełaPAN u Ministerstvie statystyki i analizu. Prahnozam na 2007 hod praduhledžany rost VUP na 8-9%.
Za try miesiacy hetaha hoda abjom pramysłovaj vytvorčaści ŭzros na 5,9% (hadavy prahnoz - 7,5-8,5%). Vypusk spažyvieckich tavaraŭ za studzień-sakavik pavialičyŭsia na 2,9% (hadavy prahnoz - 8,5-9,5%). Pry hetym vytvorčaść charčovych tavaraŭ źniziłasia na 5,1% (prahnoz rostu na hod - 9-10%). Vypusk niecharčovych tavaraŭ pavialičyŭsia na 9,8% (prahnoz - 8-9%).
Pavodle źviestak Minstata, pa vynikach studzienia-lutaha 2007 hoda zabiaśpiečana źnižeńnie enierhajomistaści na 18,6% pry zapłanavanym na hod źnižeńni na 6-7%. Uzrovień rentabielnaści realizavanaj pradukcyi pramysłovaści za dva pieršyja miesiacy hoda skłaŭ 11,8% pry prahnozie na hod 14,5%. Pradukcyjnaść pracy ŭ studzieni-lutym uzrasła na 8,1% (prahnoz na hod - 7,0-8,6%).
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary