Bałharyja škaduje adnosna «atmaśfiery zapałochvańnia i ŭcisku, jakaja supravadžała vybary ŭ Biełarusi».Pra heta zajaviła
«Nas nie moža nie chvalavać toje, ci byli vykanany mižnarodnyja standarty dla svabodnaha i sumlennaha hałasavańnia, — skazała Černieva.— My pryniali da viedama zaklučeńni, zroblenyja Biuro pa demakratyčnych instytutach i pravach čałavieka ab tym, što nie vykonvajucca mnohija abaviazacielstvy ŭ miežach ABSIE, u pryvatnaści prava hramadzian na svabodu mirnych schodaŭ i asacyjacyj i svabodu vykazvańnia dumak».
Černieva padkreśliła, što Bałharyja zaklikaje kiraŭnictva Biełarusi vykonvać mižnarodnyja abaviazacielstvy pa vykanańni demakratyčnych pryncypaŭ i norm.
«My budziem vitać luby krok u hetym kirunku i hatovyja padzialicca svaim pazityŭnym vopytam», — skazała Černieva.
Vybary, jakija prajšli ŭ Biełarusi 23 vieraśnia, naziralniki Arhanizacyi pa biaśpiecy i supracoŭnictvie ŭ Jeŭropie nie pryznali adpaviednymi mižnarodnym standartam. Pazicyju ABSIE padtrymali Jeŭrasajuz i ZŠA. Naziralniki SND, naadvarot, zajavili pra adpaviednaść vybaraŭ biełaruskamu zakanadaŭstvu i ahulnademakratyčnym normam.
Kamientary