Staršynia praŭleńnia Nacbanka Nadzieja Jermakova praviała pramuju liniju z čytačami ŭ haziecie «Źviazda».
Pra mahčymaść uviadzieńnia taleraŭ
Adrazu ab talerach. Takoj nadrukavanaj valuty ŭ nas niama, dy i nie było nikoli. Heta zvyčajnyja čutki.
Što datyčyć denaminacyi, to, na moj pohlad, u siaredzinie nastupnaha hoda my možam pačynać razhladać hetaje pytańnie. Čamu tolki ŭ nastupnym hodzie, a nie zaraz? Sapraŭdy, dachody nasielnictva rastuć, ceny taksama pavialičvajucca. Niaredka nam prychodzicca mieć spravu ź ličbami, jakija ŭtrymlivajuć šmat nuloŭ. Adnak, usie hetyja nuli pakul układvajucca ŭ kampjutary i kalkulatary, a hrašovyja kupiury — źmiaščajucca ŭ našy kašalki. Ale samaje hałoŭnaje, što dla praviadzieńnia denaminacyi nieabchodny adpaviednyja ekanamičnyja ŭmovy, pierš za ŭsio — nizki ŭzrovień inflacyi. Tamu siońniašniaja situacyja ŭ ekanomicy, na finansavym i valutnym rynkach pakul nie dazvalaje nam vieści razmovu ab chutkaj denaminacyi.
Pra adzinuju valutu
— My možam zhubić niezaležnaść, kali pieradadzim svoj emisijny centr u Rasijskuju Fiederacyju. Adnak padobnym čynam pytańnie siońnia nie staić. Ciapierašni etap raźvićcia Sajuznaj dziaržavy Biełarusi i Rasii nie praduhledžvaje stvareńnia adzinaha emisijnaha centra. Dalej žyćcio pakaža, jak buduć raźvivacca intehracyjnyja pracesy.
Pra kampiensacyju savieckich układaŭ
Ni sioleta, ni ŭPakul naš biudžet nie praduhledžvaje adpaviednych vypłat nasielnictvu. Adnak pytańnie z paradku dnia nie źniata. Dziaržava nie admoviłasia ad idei kampiensacyi ŭkładaŭ savieckich časoŭ. Ale dla hetaha patrebny adpaviednyja finansavyja resursy, jakija nieabchodna zarabić u ekanomicy.2013-m , ni ŭ2014-m hadach kampiensacyi «savieckich» układaŭ nie budzie. Kampiensacyja zhublenych układaŭ moža finansavacca tolki z respublikanskaha biudžetu, a nie šlacham emisijnaha drukavańnia hrošaj.
Pra nizkija pracenty valutnych depazitaŭ
Zaraz bankaŭskaj sistemie finansavyja resursy ŭ valucie nie patrebny. Tamu banki pačali źnižać pracentnyja staŭki.Siońnia ŭ krainie valuty chapaje. Časam banki navat majuć peŭnyja ciažkaści z realizacyjaj «valutnaha partfiela». Ale ž, jak viadoma, banki atrymlivajuć dachod, kali pradajuć hrošy. Navošta ž im pryciahvać ad nasielnictva «darahuju» valutu, jakuju potym rynak nie zmoža ŭ poŭnym abjomie ŭspryniać?
Pra vykanańnie abiacańniaŭ nakont zarobku ŭ 500 dalaraŭ
Prezidentam pastaŭlena zadača pierad uradam i kiraŭnikami pradpryjemstvaŭ zabiaśpiečyć mahčymaść zarabić takuju zarpłatu. Dać jaje prosta tak nichto nie abiacaje. Tamu nichto niezaroblenuju zarpłatu nikomu nie daść. I devalvacyi nie budzie taksama.My letaś zrabili vielmi surjoznuju devalvacyju. Pieradumoŭ, kab rabić taki krok jašče zaraz, niama. Inflacyja za vosiem miesiacaŭ hetaha hoda składaje 14,6%. Uvohule na 2012 hod prahnazujecca inflacyja nie vyšej za 22%. Tamu niama nijakaj nieabchodnaści rabić devalvacyju. Na 2013 hod inflacyja prahnazujecca na ŭzroŭni 12%.
Ciapier čytajuć
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary