Infarmacyja ab novych cenach raźmieščana na sajcie Ministerstva pa padatkach i zborach.
Ź jaje vynikaje, što roźničnyja ceny na asobnyja marki cyharet, što vyrablajucca ŭ Biełarusi, pavysiacca na 1,9–12,9%, a na niekatoryja impartnyja cyharety — na 4,2–5,6%.
Bolš za ŭsio pavyšany ceny na cyharety biełaruskich marak pieršaha cenavaha siehmienta, što vyrablajucca na AAT «Hrodzienskaja tytuniovaja fabryka «Nioman». Tak, cana na cyharety «Minsk», «Minsk 7», «Minsk Mientoł», «Minsk załaty», «Premjer», «Premjer 7», «Premjer Luks» pavyšana na 12,9% — da 3,5 tysiačy rubloŭ za adzin pačak. Košt cyharet marak Qween i Solange pavialičany na 9,7% — da 3,95 tysiačy.
Roźničnyja ceny na cyharety Velvet Blue i Velvet Red pavialičany na 8,3% — da 6,5 tysiačy rubloŭ za pačak. Ceny na cyharety Magna Red i Magna Blue pavyšany na 2,3% (3,99 tysiačy), Glamour — na 5,6% (9,5 tysiačy), Richmond — na 4,2% (17,2 tysiačy), Aroma — na 5,6% (13,3 tysiačy).
Roźničnyja ceny na cyharety Style Black i Style Pink ustanoŭleny ŭ pamiery 7,2 tysiačy rubloŭ za pačak, na cyharety West Fusion Black, West Fusion Silver i West Fusion White — 8,5 tysiačy, Velvet Ruby, Velvet Jade i Velvet Coral — 6,5 tysiačy rubloŭ.
Papiaredniaje padaražeńnie cyharet adbyłosia 1 vieraśnia, kali roźničnyja ceny na asobnyja marki byli pavyšany na 3,2–10,6%.
Zhodna z Asablivaj častkaj Padatkovaha kodeksa Biełarusi, z 1 studzienia 2012 hoda biełaruskija vytvorcy i imparciory cyharet majuć prava štomiesiac dekłaravać maksimalnyja roźničnyja ceny na cyharety. Raniej roźničnyja ceny rehulavalisia Ministerstvam ekanomiki.
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary