Rabočyja «Połack-Škłovałakno» pakidajuć aficyjny prafsajuz. Tolki ŭ cechu №12 kala sotni rabočych ciaham miesiaca napisali zajavy ŭ buchhałteryju, kab ź ich bolš nie vyličali prafsajuznyja ŭznosy.
Pryčyny niezadavalnieńnia rabočych — nizkija zarobki, kiepskija ŭmovy pracy dy inšyja prablemy, jakija aficyjny Biełchimprafsajuz nie vyrašaje.
Kiraŭnik supołki niezaležnaha prafsajuza pradpryjemstva Viktar Stukaŭ: «Pakul da nas pryjšli tolki 2 čałavieki, choć z pradziaržaŭnaha prafsajuza vyjšli niekalki dziasiatkaŭ. Sprava ŭ tym, što abstanoŭka vielmi ciažkaja, na rabočych cisnuć psichałahična — pahražajuć prablemami, kali dałučacca da Svabodnaha prafsajuza. Napačatku, kali ludzi prychodzili da nas raicca, my kazali tak: "Dałučajeciesia da našaj supołki — značyć, aŭtamatyčna pakidajecie toj prafsajuz".
Ale ludziej zapałochali, i my prapanavali im inšaje vyjście — prosta admovicca płacić unioski. Tak jany i zrabili, i ciapier na pradpryjemstvie pad sotniu ludziej, jakija nie ŭvachodziać ni ŭ jaki prafsajuz.Jany čakajuć, što budzie dalej. Ale my pierakananyja, što damahčysia čahości lahčej supolnymi namahańniami».
Sioleta aktyvisty Svabodnaha prafsajuza ŭłasnym prykładam pakazali, jak možna zmahacca za toje, kab zarobki vypłočvalisia ŭ poŭnym abjomie. Dla hetaha daviałosia sudzicca z administracyjaj pradpryjemstva.
U pačatku miesiaca, 7 kastryčnika, pradstaŭniki supołki Svabodnaha prafsajuza źbiralisia pravieści ŭ Połacku pikiet, prymierkavany da Suśvietnaha Dnia dziejańniaŭ za hodnuju pracu. Adnak Połacki harvykankam admoviŭ zajaŭnikam u praviadzieńni hetaj akcyi.
-
Hrošy biełarusa 10 hadoŭ lažali ŭ banku na depazicie. Što ź imi stała za hety čas?
-
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki
-
Machlary prydumali novuju prynadu — Telegram, jaki nibyta pracuje bieź internetu
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary