Biełaruskija ŭłady nie dazvolili paviesić šyldu UPA ŭ biełaruskaj vioscy
Z takoj prośbaj źviartaŭsia da biełaruskich uładaŭ deputat Lvoŭskaj abłasnoj rady Raścisłaŭ Navaženiec. Reč u tym, što pieršaje padraździaleńnie Ukrainskaj paŭstanckaj armii (UPA) ŭ kastryčniku 1942 hoda było stvorana ŭ lesie akurat la Dzivina (druhi varyjant: Dyvin) Kobrynskaha rajona Bresckaj vobłaści.
U adkazie bresckich uładaŭ, adznačajecca, što «tvory manumientalnaha mastactva pryznačanyja dla ŭviekaviečańnia pamiaci važnych histaryčnych i hramadskich padziej, znamianalnych dat suśvietnaj i ajčynnaj historyi i kultury, viadomych dziaržaŭnych, palityčnych, hramadskich, vajennych dziejačaŭ, narodnych hierojaŭ...». Adnak, paviedamlajecca ŭ liście, «stvareńnie UPA nie adpaviadaje hetym kryteram». Tamu ŭłady ličać «niemetazhodnym» ŭstalavańnie miemaryjalnaj doški, pryśviečanaj hetaj padziei.
UPA vajavała jak suprać niemcaŭ, tak i suprać palakaŭ, a ad 1944 hoda — suprać savietaŭ. Arhanizacyja ŭkrainskich nacyjanalistaŭ, jakaja ŭtvaryła UPA, raźličvała, što ŭ vyniku saviecka-niamieckaj vajny abodva praciŭniki asłabnuć nastolki, što nacyjam Centralnaj Jeŭropy ŭdasca zdabyć u vyniku niezaležnaść. AUN-UPA rabiła staŭku na zbrojnuju baraćbu, pryčym navat ažyćciaŭlała etničnyja čystki palakaŭ, kab Polšča bolš nie mahła pretendavać na hetyja ziemli.
Pavodle źviestak savieckich śpiecsłužbaŭ, na Bieraściejščynie i Pinščynie da AUN-UPA naležała niekalki tysiač čałaviek. Uzbrojenaja baraćba ŭkrainskich partyzan tut praciahvałasia da 1952 hoda. Reč u tym, što ŭ hetym rehijonie havaryli pa-ŭkrainsku. Da Druhoj suśvietnaj vajny tut pieravažała ŭkrainskaja nacyjanalnaja samaśviadomaść, i tolki z uklučeńniem u skład BSSR ludzi pačali siabie atajesamlać ź biełarusami.
Aficyjnyja ŭłady Biełarusi dahetul razhladajuć antysavieckich partyzan jak złačyncaŭ. U toj ža čas u Litvie, Polščy i Ukrainie toj pieryjad razhladajecca ciapier praz pryzmu supraciŭleńnia savietyzacyi.
Kamientary