Kiraŭnik KDK: Stan stadyjona «Dynama» stvaraje pahrozu dla biaśpieki i zdaroŭja naviedvalnikaŭ
Techničny stan minskaha stadyjona «Dynama» stvaraje realnuju pahrozu dla biaśpieki i zdaroŭja jaho naviedvalnikaŭ. Pra heta zajaviŭ staršynia Kamiteta dziaržaŭnaha kantrolu Alaksandr Jakabson 5 listapada na nardzie pa pytańni rekanstrukcyi stadyjona, paviedamlaje
Jakabson, u pryvatnaści, pieraličyŭ fakty, jakija daviali stadyjon da jaho ciapierašniaha stanu, chacia razmova pra nieabchodnaść hruntoŭnaj rekanstrukcyi viadziecca ŭžo nie adzin hod.Hetamu spryjali jak ciahanina z boku čynoŭnikaŭ, tak i technałahičnyja parušeńni, dapuščanyja ŭ čas rekanstrukcyi ŭ kancy
«Prablema z rekanstrukcyjaj stadyjona „Dynama“ najbolš vostra abaznačyłasia paśla praviedzienych u 2001 i 2005 hadach daśledavańniaŭ techničnaha stanu niasučych kanstrukcyj zachodniaj trybuny.Było ŭstanoŭlena, što pry vykanańni rabot pa kapitalnym ramoncie druhoha jarusa na hetym abjekcie ŭ 1997 hodzie dapuščany adstupleńni ad raspracavanaha prajekta, što pryviało da pierahruzki jaje niasučych kanstrukcyj», — raskazaŭ Alaksandr Jakabson.
«Techničny stan kanstrukcyj stadyjona, inžyniernych kamunikacyj, unutranaje ŭtrymańnie padtrybunnych pamiaškańniaŭ stvarajuć realnuju pahrozu dla biaśpieki i zdaroŭja naviedvalnikaŭ stadyjona, ubohija ŭmovy dla karystalnikaŭ pamiaškańnia i nanosiać uron pa reputacyi histaryčnaha simvała biełaruskaha futboła», — kanstatavaŭ staršynia KDK.
Nahadajem, Alaksandr Łukašenka na naradzie zapatrabavaŭ pravieści rekanstrukcyju minskaha stadyjona «Dynama» da kanca 2014 hoda.
Kamientary