Na aficyjnym sajcie Mienharvykankamu źmieščany list pradprymalnika z Červienia, u jakim toj vykazvaje pretenzii da supracoŭnikaŭ Ŭpraŭleńnia rehistracyi i licenzavańnia.
Na aficyjnym sajcie Mienharvykankamu ŭ haścioŭni źmieščany list pradprymalnika z Červienia, u jakim toj vykazvaje pretenzii da supracoŭnikaŭ Ŭpraŭleńnie rehistracyi i licenzavańnia Mienharvykankamu. Pradprymalniku prapanavali dakumentalna zaśviedčyć, što pa-rasiejsku jaho horad zaviecca mienavita «Čiervień», a nie «Ijuń»
Pavažanaje Ŭpraŭleńnie rehistracyi i licenzavańnia Mienharvykankamu!
26 sakavika 2007 h. u adździeł rehistracyi (kab. 104) mnoju byŭ padadzieny pakiet dakumentaŭ, nieabchodnych dla rehistracyi ŭnitarnaha pradpryjemstva. U majoj prysutnaści dakumenty byli pravieranyja specyjalistam i nijakich pretenzijaŭ nie vyklikali. Praz try tydni vyśvietliłasia, što jość niedakładnaści ŭ padadzienych mnoju pašpartnych źviestkach. Kali ja pryjšoŭ zabrać dakumenty dla vypraŭleńnia, vyśvietliłasia, što prablema ŭ tym, što ŭ mianie ŭ pašparcie miesca prapiski i orhan, što vydaŭ pašpart, padadzienyja pa-biełarusku bieź pierakładu na ruskuju movu (Mienskaja vobł., h. Červień i Červieński RUUS Mienskaj vobłaści adpaviedna), Statut pradpryjemstva składzieny pa-rusku (u Statucie paznačana Minskaja obł., h. Čiervień, i Čiervieńskim ROVD Minskoj obłasti adpaviedna), a «Červień» u pierakładzie na ruskuju movu «ijuń», u suviazi z čym mnie prapanavali vypravić na «Minskaja obł., h. Ijuń, i Ijuńskim ROVD Minskoj obłasti».
U adkaz na maje piarečańni nakont taho, što horad, u jakim ja prapisany, pa-rasiejsku nazyvajecca «Čiervień», a nijak nie «Ijuń», i RUUS u nas Čiervieńskij, a nie Ijuńskij, mnie vydali na ruki statut i prapanavali zrabić zapyt u RUUS majho horadu z tym, kab pradstavić va ŭpraŭleńnie aficyjny adkaz RUUS ab tym, što taki horad i rajon nazyvajecca pa-rusku mienavita «Čiervień» i «Čiervieńskij».
Patłumačcie, kali łaska, čamu praz elementarnaje niaviedańnie supracoŭnikami adździełu rehistracyi hieahrafii Biełarusi i praviłaŭ pierakładu nazvaŭ (imionaŭ ułasnych) na ruskuju movu, ja pavinien davodzić, «što nie viarblud»?! i hublać kaštoŭny čas, jaki, miž inšym, – «hrošy».
Z pavahaj, Pavał Mikałajevič!
Pakul što list Paŭła Mikałajeviča z Červienia zastajecca biez adkazu.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada16
Kamientary