Maskoŭski haradzki sud adchiliŭ skarhu tavarystva «Memaryjał» nakont katyńskaj trahiedyi.
Maskoŭski haradzki sud adchiliŭ skarhu tavarystva «Memaryjał» nakont katyńskaj trahiedyi. Abjadnańnie źviarnułasia ŭ sud pa pryznańnie ŭ jakaści reabilitavanych 16 achviaraŭ masavaha zabojstva. Adnak respublikanskaja prakuratura nie vydała adpaviednaha rašeńnia.
Zhodna z zakonam z 1991 hodu prakuratura pavinna vydać paśviedčańnie albo śćvierdzić adsutnaść padstavaŭ dla pryniaćcia rašeńnia. Dalej spravaj pavinien zaniacca sud. Adnak rasiejskaja prakuratura znajšła inšy vychad z sytuacyi. Kab «katyńskaja sprava» nia trapiła ŭ sud, prakuror nie pryniaŭ ani jakaha rašeńnia, spasłaŭšysia na niedastatkovuju kolkaść pradstaŭlenych arhanizacyjaj dakumentaŭ. Adpaviedna prakuratura nia maje prava pryznać achviaraŭ katyńskaj trahiedyi palityčnymi viaźniami, taksama jak i nie pryznać.
Pradstaŭniki tavarystva «Memaryjał» pahadžajucca, što imiannych śpisaŭ asobaŭ da rastrełu niama. Adnak dakumenty, jakija zachavalisia z tych časoŭ, jaskrava śviedčać ab tym, što zabojstva ŭ Katyni było vyklikana palityčnymi matyvami. U suviazi z rašeńniem prakuratury, tavarystva padało skarhi ŭ rajonny sud na śledčych. Arhanizacyja tłumačyć, što sudździ abaviazali prakuraturu pryniać aktualnaje rašeńnie, sud, adnak, zhadanuju skarhu adchiliŭ. Siońnia haradzki sud, jaki źjaŭlecca vyšejšaj instancyjaj, adchiliŭ skarhu tavarystva adnosna papiaredniaha rašeńnia sudu.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary