Učora ŭ Połacku pačalisia ŭračystasci, pryśviečanyja 1015‑j hadavinie ŭstalavańnia Połackaj jeparchii.
Siońnia ž 5 červienia, u dzień pamiaci prapadobnaj Jefrasinni Połackaj, jakuju biełaruskija vierniki nazyvajuć «našaj maci», niabiesnaj apiakunkaj biełaruskaha narodu, u Śviata‑Kryžaŭzdvižanskim chramie adbudziecca śviatočnaja Liturhija, jakuju budzie słužyć Mitrapalit Minski i Słucki, Patryjaršy Ekzarch usiaje Biełarusi Fiłaret u sasłuženni členaŭ Sinoda. U druhoj pałovie dnia budzie aśviečana adnoŭlenaja majstram Mikałajem Kuźmičom raka prapadobnaj.
«Vykazvańniem hłybokaj pašany da prapadobnaj Jefrasinni i adnačasova spravaj viartańnia histaryčnaj praŭdy stała adnaŭleńnie srebnaj raki, jakuju siońnia aśviačajem, i ŭ jakoj ciapier buduć znachodzicca jaje śviatyja moščy, jakija darujuć vylečvańnie, — skazana ŭ pasłanni Sinoda Biełaruskaj pravasłaŭnaj carkvy. — U hetu bohaŭhodnuju spravu ŭkładziena važkaja lepta kiraŭnika biełaruskaj dziaržavy i pasilnyja achviaravanni vierujučych ludziej, imiony jakich viedaje Haspodź».
Kamientary