Listy ŭ redakcyju

 Listy ŭ redakcyju

Skroź — Ł-a

Pavažanaja «Naša Niva», voś vy pišacie, kab vas padtrymali padpiskaj. Ale zaraz tak imkliva idzie čas, što nieviadoma, čaho čakać ad hazety. Naprykład, «LiM» pačaŭ chvalić PPRB, «Naviny» ŭ kožnym numary byli drukavali jahonaje fota. Dyk ja pierastaŭ kuplać hetyja hazety. A ciapier i vaša hazeta nie abychodzicca bieź jaho. Kali mnie zachočacca pahladzieć na jakoha durnia, dyk ja ŭkluču biełaruskaje telebačańnie, navošta mnie jon jašče ŭ hazetach?

Ja voś dumaju, za što ja tak źnienavidzieŭ PPRB? Mabyć za toje, što i ŭva mnie jość zarodki jaho jakaściaŭ, i ja ich nienavidžu ŭ sabie, i zmahajusia ź imi ŭsio žyćcio. Nia budu pieraličvać, vy sami ich viedajecie.

A ŭ vašaj hazecie ja čytaju ŭsie słovy.

Janka Špak

Siańnia

Mianie ŭraziła pieradača pa NTV «Siehodniečko», jakaja ŭ adnym z svaich vypuskaŭ pastaviła hledačam pytańnie: «Ci vartaje žyćcio dobraha sabaki žyćcia drennaha čałavieka?» Siarod tych, chto pazvaniŭ, zhodnych pastavić žyćcio žyvioły vyšej žyćcia čałavieka było ŭ try razy bolej! Žach!

Ju.Karanieŭski, Miensk

Biez čaho BNF — nie pieradavaja partyja

Jak viadoma, abnoŭleny BNF uziaŭ kurs na madernizacyju. Jak pa mnie, dyk dziejnaść sapraŭdy palapšajecca. Adnak mušu zaznačyć adzin surjozny niedachop: infarmacyjny.

Kaniečnie, BNF pavinien zajmieć ahulnabiełaruskuju hazetu, bo «Naviny radaŭ BNF» prydatnyja tolki jak unutrypartyjny biuleteń. Ale hazetu zrabić niaprosta. Razmova pra Internet. CHARTYJA maje svaju staronku. Na jaje, pavodle rejtynhu akavita.Kryvia.net, chodziać pa 200-300 čałaviek štodnia, i jana ŭ hetym rejtynhu ci nie zaŭždy pieršaja.

A BNF maje tolki niejkaje padabienstva, jakoje ciažka nazvać sajtam. Jaho adras absalutna nieviadomy. Pa-druhoje, žachlivy dyzajn: tło adnaho kadra — čyrvonaje, druhoha — błakitnaje, i hetaje spałučeńnie reža vočy. Koler tekstu — čorny, što nia vielmi kantrasna adnosna tych koleraŭ. Šryft maleńki. Narešcie, jaho niemahčyma zrazumieć bolšaści biełarusaŭ: sajt całkam pa-anhielsku!!! Prosta niejki sajt na ekspart! Ja razumieju, što infarmavańnie mižnarodnaj supolnaści pra našyja prablemy — reč važnaja, ale jana nia moža być rečču pieršaj važnaści. Naprykład, u TBM i Maładoha Frontu movy sajtaŭ — biełaruskaja, rasiejskaja, anhielskaja (u TBM jašče i niamieckaja).

Siońnia ŭ Biełarusi niašmat chto chodzić u Internet, ale cikavaść da jaho vialikaja — jak da dziva. Łazić pa sajtach cikaviej, čym hartać hazetu, i ciapier samaja para kazać pra «internetamaniju». I kali ŭ BNFa źjavicca prystojny sajt, dyk na jaho pavalać vałam, nia mienš čym na sajt CHARTYI.

Vital Stanišeŭski, Miensk