Na hetym tydni płanujecca pačać archieałahičnyja raskopki ŭ homielskim parku Rumiancavych‑Paskievičaŭ.
Jak paviedamiŭ BiełaPAN kiraŭnik rabot — dacent Homielskaha dziaržaŭnaha univiersiteta imia Francyska Skaryny kandydat histaryčnych navuk Aleh Makušnikaŭ, raskopki pačnuć vałanciory, a padčas letniaj praktyki da ich dałučacca studenty histaryčnaha fakulteta univiersiteta.
Pavodle infarmacyi historyka, padčas rekanstrukcyi histaryčnaj častki parku budzie adnoŭleny pieršapačatkovy vyhlad nievialikaha budynka kanca XIX stahodździa, raźmieščanaha pamiž pałacam Rumiancavych‑Paskievičaŭ i Pietrapaŭłaŭskim saboram. U savieckija hady tam raźmiaščaŭsia šachmatna‑šašačny kłub.
«Budynak simpatyčny, takich ciapier mała zastałosia, — zaznačyŭ A.Makušnikaŭ. — Da jaho nieabchodna padvieści kamunikacyi, i prakładać ich daviadziecca pa «žyvym» kulturnym słoi, tamu pierad budaŭničymi rabotami na abjekt zaprasili archieołahaŭ».
«Čakajecca, što znachodki buduć datavacca X stahodździem našaj ery, a moža, i raniej, prynamsi, hadoŭ za 200 da ŭzhadvańnia Homiela ŭ letapisach. Pa znojdzienych pradmietach možna budzie prasačyć i dalejšuju tysiačahadovuju historyju horada. Kapać budziem hłybinioj bolš za dva mietry», — padzialiŭsia płanami kiraŭnik raskopak.
Jak zaznačyŭ A.Makušnikaŭ, mahčyma, ź miascovych vałancioraŭ budzie sfarmavana hrupa i dla archieałahičnych raskopak na miescy staražytnaha horada Kazimira pad Śvietłahorskam.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach16
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary